Pas përmbylljes së një rrugëtimi mjaft sfidues dhe intensiv brenda mureve të “Big Brother VIP Albania”, Armir Shahini—i njohur gjerësisht si Miri i “West Side Family”—i është rikthyer rritmit të përditshmërisë dhe daljeve mediatike.
Gjatë një ftese në studion e programit “S’e luan topi”, artisti ka zhveshur shpirtin duke ndarë një nga përjetimet më të errëta dhe intime të jetës së tij: ballafaqimin me vdekjen e parakohshme të kolegut dhe mikut të ngushtë, Dr. Florit.
Përballë opinionit publik, Miri riktheu në vëmendje peshën e rëndë të mungesës fizike gjatë ditës së lamtumirës. Pamundësia gjeografike për ta shoqëruar mikun drejt banesës së fundit e kishte detyruar ta ndiqte ceremoninë mortore përmes ekranit.
Ai theksoi se dhimbja ka qenë aq e mprehtë, saqë shpeshherë e gjente veten të paaftë për të parë transmetimin e drejtpërdrejtë, duke u mbytur nga pamundësia për t’i qëndruar pranë në momentet e fundit.
Megjithatë, pika më drithëruese e këtij rrëfimi u fokusua tek akti i tij i parë sapo shkeli në tokën shqiptare. Pa humbur kohë, destinacioni i tij kryesor nuk ishte familja, por prehja e përjetshme e Dr. Florit.
Gjatë kësaj vizite të ngarkuar emocionalisht, Miri zbuloi se ka zhvilluar një monolog rrëqethës me mikun e ndjerë.
“Unë e shikoja gjithë ceremoninë Live edhe disa momente i hiqja se nuk e duroja dot. Pastaj mu dukte pse… duhet të jem aty, sisha dot aty. Unë e kam përcjellë atë me mënyrën time. Kur erdha, gjëja e parë që ishte, shkova te varri i tij edhe kam folur me të. I thashë “Pse ike?”. Sduhet të kishe ikur! Më ka kthyer përgjigje”, dëgjohet të thotë Miri në fund.
