Debati i ditëve të fundit mes Ermal Mamaqit dhe produksionit të Ferma VIP ka vijuar të jetë një nga temat më të komentuara në rrjetet sociale, sidomos pas reagimeve të aktorit për largimin e tij nga karrigia e opinionistit.
Në prag të finales së madhe, Eduart Grishaj është pyetur nëse Ermal Mamaqi do të jetë apo jo pjesë e mbrëmjes finale si opinionist.
Përgjigjja e tij la të kuptohet se dera nuk është mbyllur plotësisht.
“Ta kuptojmë. Ai është duke reflektuar. Nëse ai reflekton, edhe mundemi të bëjmë një përjashtim, se kemi gjithë këto ditë që i kemi, dhe të mos e marrim në finale sepse është tifoz, sikur nuk… Ne jemi njerëz të mirë, mund edhe ta marrim. Thjesht po presim reflektimin. Vetëm të rrijë mirë, ashtu siç i takon“, u shpreh Grishaj në Vizion Plus.
Deklarata vjen pasi Mamaqi reagoi publikisht ndaj mënyrës se si u trajtua largimi i tij nga paneli i opinionistëve, ndërsa së fundmi ka ironizuar disa herë situatën edhe në rrjetet sociale.
Pavarësisht tensioneve, fjalët e Grishajt lënë të hapur mundësinë që Mamaqi të shfaqet sërish në finalen e madhe, megjithëse deri në nisjen e spektaklit mbetet e paqartë nëse kjo do të ndodhë apo jo.
