Mbrëmja e djeshme në shtëpinë e “Big Brother VIP Kosova 4” është shoqëruar me momente paniku dhe lotësh, duke prishur qetësinë e darkës së të nominuarve.
Protagoniste ka qenë Dolce, e cila ka shpërthyer në në lot duke alarmuar të gjithë banorët.
Ajo u ka rrëfyer me zë të dridhur shokëve të shtëpisë se ka marrë një mesazh urgjent nga familjarët, sipas të cilëve ajo duhet të lërë shtëpinë menjëherë për shkak të një çështjeje gjyqësore.
E tronditur, ajo shprehu frikën se pas këtij justifikimi mund të fshihet diçka më e rëndë që lidhet me shëndetin e të afërmve.
Mes lotëve dhe pasigurisë, Dolce u shpreh: “Familja ime më tha që duhet të dal absolutisht nga shtëpia për një çështje gjyqësore… Gjyqësore unë e kam mbaruar, unë kam hall se mos është dikush keq”.
Por, ajo që Dolce dhe banorët e tjerë nuk dinë, është se e gjitha kjo është një skenar i përgatitur nga produksioni.
“Largimi” i saj nuk lidhet me asnjë gjyq apo fatkeqësi, por me transferimin e saj historik drejt Italisë, ku do të bëhet pjesë e shtëpisë së “Grande Fratello”.
E vërteta pritet t’i zbulohet asaj “live” gjatë spektaklit të sotëm, duke e kthyer frikën në surprizë.
