Një nga surprizat më të mëdha të këtij sezoni në “Big Brother VIP Kosova” tashmë është fakt. Banorja e komentuar, Dolce, ka nisur aventurën e saj në shtëpinë e famshme të “Grande Fratello” në Itali, si pjesë e shkëmbimit të banorëve mes dy formateve.
Por, ajo që ka rënë menjëherë në sy nuk është vetëm dinamika e lojës, por reagimi i menjëhershëm i publikut italian.
Sapo janë publikuar pamjet e para të hyrjes së saj, rrjetet sociale të programit italian janë vërshuar nga komente pozitive. Shikuesit italianë duket se kanë mbetur të mahnitur nga bukuria e konkurrentes shqiptare.
Shumë prej tyre e kanë përgëzuar për pamjen fizike, duke e cilësuar si një prezencë mjaft sharmante dhe estetikisht tërheqëse për formatin e tyre. “Bukuria shqiptare godet sërish”, ishte fryma e shumë komenteve që kanë shoqëruar prezantimin e saj në shtetin fqinj.
Ky shkëmbim vjen pas një largimi dramatik nga shtëpia e BBVK, ku partneri i saj në lojë, Edi, shpërtheu në lot duke mos e ditur se eliminimi ishte i rremë dhe se Dolce po nisej drejt një misioni ndërkombëtar.
Mbetet për t’u parë se si do të ambientohet ajo me banorët italianë ditëve në vijim dhe nëse ky pëlqim për pamjen e saj do të përkthehet edhe në pëlqim për lojën.
