Kjo javë duket se sjell një kthesë të rëndësishme për tre shenja të horoskopit, të cilat më në fund vendosin të lënë pas ankesat, pasiguritë dhe pritjen për “momentin perfekt”. Sipas astrologëve, lidhja mes Mërkurit dhe Jupiterit krijon energjinë ideale për ndryshime të mëdha, vendime të guximshme dhe një fillim të ri.
Ka momente kur e kupton se nuk mund të vazhdosh më njësoj dhe kjo është pikërisht ajo që do të ndodhë për këto tre shenja.
Virgjëresha
Për Virgjëreshën, kjo periudhë sjell një të vërtetë të fortë, nuk mjafton më vetëm të flasësh për ndryshim, duhet ta bësh realitet.
Prej kohësh kjo shenjë ndien se ka ngecur në të njëjtin vend, duke menduar vazhdimisht për atë që nuk funksionon. Por tani, pas shumë reflektimesh dhe ndoshta edhe zhgënjimeve nga njerëzit e afërt, Virgjëresha kupton se është momenti të marrë kontrollin e jetës së vet.
Energjia e Mërkurit me Jupiterin i ndihmon të organizojnë mendimet, të bëjnë plane konkrete dhe më në fund të marrin vendime që i afrojnë me jetën që duan.
Më e rëndësishmja? Do të heqin dorë nga zakoni për të pritur që dikush tjetër t’u realizojë ëndrrat.
Akrepi
Për Akrepin vjen si një ndjesi “tani ose kurrë”.
Kjo shenjë e ka ndier prej kohësh lodhjen emocionale që vjen nga negativiteti dhe ndjesia se asgjë nuk po ndryshon. Por këtë herë diçka ndryshon brenda tyre.
Akrepët kuptojnë se nuk mund të vazhdojnë të rrinë në të njëjtin vend duke u ankuar për jetën që kanë. Dhe sapo e kuptojnë se ndryshimi fillon nga vetja, gjithçka nis të lëvizë.
Kjo është periudha kur mund të marrin një vendim të madh, të lënë pas diçka toksike ose të marrin vendime që i kanë “zvarritur” prej muajsh.
Shigjetari
Shigjetari ndihet sikur “zgjohet” më në fund nga një periudhë gjumi letargjik.
Me Jupiterin, planetin e tij udhëheqës, në lidhje të fortë me Mërkurin, kjo shenjë ndien një shtysë të jashtëzakonshme për të lëvizur, për të vepruar dhe për të ndryshuar realisht diçka në jetën e saj.
Shigjetarët janë njerëz veprimi nga natyra, ndaj kur gjërat nuk ecin, zakonisht e dinë shumë mirë se arsyeja është se kanë qëndruar gjatë në vendnumëro.
Tani jo më. Ata marrin përgjegjësi, rifitojnë motivimin dhe vendosin t’i japin jetës drejtimin që duan vetë.
Dhe pikërisht aty nis ndryshimi i madh.
