Një ngjarje e rëndë ka ndodhur në lagjen nr. 4 të qytetit të Korçës, ku një e moshuar është gjetur e pajetë në banesën e saj.
Sipas informacioneve paraprake, e moshuara dyshohet se prej tre ditësh nuk kishte pasur kontakte me familjarët, ndërsa fqinjët të shqetësuar pasi nuk e kishin parë, kanë njoftuar policinë.
Kanë qenë forcat zjarrfikëse që kanë hapur derën e banesës, ku më pas është gjetur trupi i pajetë i të moshuarës.
Nga këqyrja paraprake rezulton se viktima kishte një hematomë në kokë, e cila ngre dyshimet se ajo mund të jetë rrëzuar dhe për pasojë të ketë humbur jetën. Mësohet se e moshuara jetonte e vetme.
Policia ndodhet në vendngjarje dhe po kryen veprimet hetimore, ndërsa trupi është dërguar në morg për ekspertizën mjeko-ligjore, e cila pritet të përcaktojë shkakun e vdekjes.
