Anaid Kaloti ka zbuluar për herë të parë prapaskenat e asaj që, sipas tij, ndodhi menjëherë pas përfundimit të Big Brother VIP Albania.
Përmes një fabule simbolike të titulluar “Kur ra fama”, ai la të kuptohet se Gjesti, fituesi i reality show-t, dashuronte njé femër tjetër– jo Eglin – pasi doli nga shtëpia.
Sipas Anaidit, në një takim që kishte ndodhur në një hotel luksoz, “një plak i urtë”e kishte këshilluar Eglin dhe Gjestin të ruanin para publikut lidhjen e krijuar brenda shtëpisë:
“Duhet ta ruani këtë gjë para publikut… që ju besuan dhe ju deshën bashkë!”
Egli, siç shkruan ai, ishte dakord. Por Gjestit, sipas Kalotit, nuk i interesonte:
“Kingi ishte i lidhur me dikë tjetër dhe nuk donte që ‘goca t’i hynte thellit’, duke vazhduar lojën sikur kishte më shumë hallin e kësaj se të asaj tjetrës.”
Kjo fjali është parë si një pohim i drejtpërdrejtë se Gjesti mund të ketë nisur një lidhje tjetër, ose të paktën, ka pasur ndjenja jashtë çiftit që u krijua në shtëpi. Edhe më i ashpër është komenti për raportin e tyre, ku Kaloti shkruan:
“Ai nuk e donte atë dhe e shihte si një leckë këpucësh të përdorur disa herë… sa vjen moment që ke nevojë ta kapësh për të fshirë këpucët sërish, se të bëhen gishtat pis.”
Për më tepër, ai ironizon veprimet publike të fundit të dyshes, si puthja e bluzave në koncert:
“Morën të dy nga një bluzë me fytyrat e njëri-tjetrit, e puthën bluzën në skenë para publikut, për të gënjyer kësaj here jo vetëm publikun por edhe veten… QESHARAKE!”
Kaloti sugjeron se gjithçka është një përpjekje për të rikthyer famën që po zbehet:
“Asnjë nuk reagoi, askush nuk i besoi, as ata vetë që puthën rreckën që dje fshinë këmbët!”
Në përfundim, ai lë një paralajmërim të ashpër për ata që besojnë se mund të mbajnë vëmendjen me akte të sajuara:
“Sa më lart të ngjitesh, aq më të vështirë do e kesh të ngrihesh kur të biesh poshtë.”
Ky reagim i Kalotit ka ngjallur polemika të mëdha, jo vetëm për mënyrën ironike me të cilën ai përshkruan Gjestin dhe Eglin, por edhe për zbulimin indirekt të një lidhjeje tjetër të mundshme të Gjestit, që duket se ka qenë arsyeja reale për ftohjen e raportit me Eglin.
