Dinamikat në “Ferma VIP” sapo morën një tjetër kthesë të fortë. Vetëm pak kohë pasi rrjeti shpërtheu në kritika për afrimitetin, puthjet dhe përqafimet mes Vanesës dhe Indritit, një surprizë e papritur ka mbërritur nga qielli për fermeren, duke trazuar sërish ujërat.
Mbi hapësirën e fermës ka fluturuar një dron me një mesazh shumë domethënës të dedikuar për të: “Prio and PP love you! Do what got you here” (Prio dhe PP të duan! Bëj atë që të solli këtu).
E gjendur mes emocionesh të forta dhe e lehtësuar nga ky sinjal nga jashtë, Vanesa nuk i ka mbajtur dot lotët.
Ajo ka nisur të qajë dhe t’i dërgojë puthje qiellit, duke konfirmuar kështu edhe dërguesit e këtij mesazhi. Gjatë një bisede me Gresën menjëherë pas surprizës, Vanesa i ka pohuar kësaj të fundit se droni ishte nisur pikërisht nga vëllai i saj dhe i dashuri që e pret jashtë formatit.
Ky zhvillim i ri ngre shumë pikëpyetje në sytë e publikut: A ishte ky mesazh një mbështetje për lojën e saj, apo një rikujtesë e “kufijve” pas afrimitetit të fundit me Indritin?
Mbetet për t’u parë se si do të ndikojë kjo surprizë në sjelljen dhe hapat e radhës të Vanesës brenda garës.
