Pas zhurmës së madhe mediatike që shkaktoi projekti i tij më i fundit muzikor, “Rrëfim”, Bes Kallaku ka vendosur të bëjë një reagim të gjatë dhe shumë të ndjerë publik.
Përmes një postimi në llogarinë e tij, ai ka falënderuar mbështetësit dhe ka folur hapur për jetën e tij personale, duke konfirmuar atë që u aludua në vargjet e këngës.
Besi e ka nisur mesazhin duke theksuar se ky është projekti i tij më i bukur, pasi aty nuk është as aktori e as këngëtari që publiku njeh, por thjesht ai vetë.
“Pa maska. Pa skenar. Vetëm unë dhe e vërteta ime,” – shkruan ai, duke vlerësuar publikun që zgjodhi ta dëgjonte dhe mbështeste.
Për sa i përket së shkuarës dhe ndarjes së bujshme nga Xhensila Myrtezaj, Besi ka qenë mjaft i prerë. Ai u shpreh se e ka mbyllur prej kohësh atë kapitull.
Fjalët e tij ishin të forta dhe domethënëse: “…kapitull nga i cili mu desh kohë të kuptoja, sa i fituar dola.”.
Në këtë mesazh, aktori nuk ka lënë pa përmendur mbështetjen e tij më të madhe, motrën Ana Kallaku, duke e quajtur bekimin më të madh dhe “diellin në ditët e tij gri”.
Por ajo që vulosi gjithçka ishte mbyllja e postimit. Besi ka konfirmuar zyrtarisht dhe hapur se në jetën e tij ka një partnere të re.
Ai i ka dedikuar rreshtat e fundit “njeriut të zemrës”, duke e përshkruar si “trëndafilin tim në kohë lufte, që më ktheu paqen, buzëqeshjen, shkëlqimin e syve… dhe versionin më të mirë të vetes sime.”.
Me këtë deklaratë, Bes Kallaku i ka vënë kapakun së shkuarës, duke treguar se tashmë po shijon një kapitull të ri, të mbushur me dashuri dhe paqe.
