Raporti mes Fabjola Elezaj, partnerit të saj Adioni dhe vëllait të saj Fabjani duket se ka marrë një kthesë krejtësisht të papritur.
Kujtojmë se gjatë qëndrimit të Olës në Ferma VIP, Fabjani u bë një nga personazhet më të komentuar pasi hyri në fermë për të kundërshtuar hapur romancën e së motrës me Adionin.
Në atë takim ai i kërkoi llogari Olës dhe hodhi dyshime mbi lidhjen e saj, ndërsa një nga batutat që u bë virale ishte:
“Nëse një zog bie në dashuri me një peshk, cila është zgjidhja?”
Por duket se koha ka ndryshuar gjithçka.
Në një video të publikuar së fundmi nga Fabjola, Adioni dhe Fabjani shfaqen ulur pranë njëri-tjetrit duke luajtur video-lojëra dhe duke kaluar kohë së bashku në atmosferë të qetë.
Për ta bërë momentin edhe më komik, Ola ka vendosur në sfond pikërisht audio-n me fjalinë e famshme të të vëllait për “zogun dhe peshkun”, ndërsa vetë shihet duke qeshur me situatën.
Pamjet kanë marrë menjëherë vëmendjen e ndjekësve, të cilët po komentojnë se mes Adionit dhe kunatit duket se çdo hatërmbetje i përket tashmë së kaluarës.
