Pas spektaklit të mbrëmshëm të Big Brother VIP Albania 4,
banorët vazhduan diskutimet mes tyre, por një moment tensioni tërhoqi vemendjen e publikut.
Gjatë darkës, Jozi përdori një gjuhë të ashpër ndaj Gjestit, duke e quajtur “k*pil shk*ne” dhe duke i kërkuar që të kërkonte falje për ndërhyrjen e tij në dasmën e improvizuar me Loredanën.
Jozi e përsëriti disa herë këtë ofendim, duke shtuar se “vetëm dikush që nuk ka gjak shqiptari nuk kërkon falje”. Pas kësaj, Gjesti u shpreh i revoltuar, duke iu drejtuar kamerave dhe produksionit me fjalët: “S’është mirë kështu me ofendime. S’është lojë më kjo”.
Ky incident ka shkaktuar shumë reagime, mes të cilave edhe ai i aktorit dhe ish-banorit të BBVA, Jul Deda. Ai publikoi një video ne TikTok, ku dënoi ashpër deklaratat e Jozit, duke i cilësuar si “skandaloze” dhe duke kërkuar që të merren masa ndaj tij.
Nga ana tjetër, Juli flet edhe për Gjestin ku shprehet ndër të tjera: “Ne duhet të reagojmë të gjithë se deklarata e Jozit është skandaloze, por frika ime është që ne reagojmë sa reagojmë, por ai që do e falë Jozin është vet Gjesti. Kam frikë që Gjesti do e fali, siç bëri me Gertën. U tregua frikacak…”
