Romeo Veshaj dhe Heidi Baci, dy nga personazhet më të komentuar të sezonit të tretë të
“Big Brother VIP Albania”, duket se po i rikthehen vëmendjes së publikut – këtë herë jo për ndonjë projekt të ri, por për raportin e tyre personal.
Dyshja krijoi një lidhje dashurie gjatë spektaklit, e cila vazhdoi edhe për një kohë të shkurtër pas përfundimit të formatit.
Megjithatë, marrëdhënia e tyre nuk zgjati shumë dhe ata e konfirmuan ndarjen pak javë më vonë, duke ndjekur rrugë të ndara edhe në jetën publike.
Por së fundmi, ndjekësit kanë vënë re disa sinjale që kanë rikthyer dyshimet për një pajtim të mundshëm. Romeo dhe Heidi janë parë në të njëjtin ambient publik – në koncertin e fundit të Dren Abazit – ku sipas dëshmitarëve, kanë shkëmbyer vështrime flirtuese. Video dhe foto nga ngjarja janë shpërndarë në rrjetet sociale, duke ngjallur menjëherë komente nga fansat e tyre.
Për më tepër, një tjetër detaj nuk ka kaluar pa u vënë re: të dy kanë nisur të ndjekin sërish njëri-tjetrin në Instagram, një veprim që shpeshherë konsiderohet tregues i një afrimi të ri në marrëdhënie.
Edhe pse asnjëri prej tyre nuk ka bërë ende një deklaratë publike mbi statusin aktual të raportit, këto lëvizje kanë mjaftuar për të ngritur zërat e një rikthimi të mundshëm.
Tashmë mbetet për t’u parë nëse Romeo dhe Heidi do të konfirmojnë diçka më shumë në ditët në vijim (dyshojmë për këtë).
