Shqiptarët vijojnë të tronditin Italinë kur vjen puna te krimet në familje.
Një 49-vjeçare shqiptaro-maqedonase është rrahur për vdekje nga bashkëshorti i saj. Sipas mediave italianëe Sadjide Muslija nga Maqedonia e Veriut, u gjet e pajetë në banesën e saj në Pianello Vallesina, një fshat i vogël i Monte Roberto në provincën e Ankonës.
Ajo u gjet me shenja të shumta dhune, teksa në kërkim është shpallur burri i saj Nazif Muslija, 50 vjeç.
Oficerët e gjetën atë të pajetë në shtrat me shenja rrahjesh dhe lëndime të dukshme në kokë. Punëdhënësi i saj kishte njoftuar policinë kur ajo nuk kishte mbërritur.
Çifti ishte në proces divorci, teksa sipas mediave italiane, ai ishte rikthyer të jetonte me të pavarësisht ndarjes. Ai rezulton me precedent të mëparshëm. Pasi ka pasur disa herë denoncime nga 49-vjeçarja për dhunë fizike nga bashkëshorti. Në prill ai rezulton të jetë arrestuar për dhunë.
Ai shkatërroi derën e dhomës së gjumit me një sëpatë, pasi Muslija ishte strehuar në shtëpinë e një fqinji dhe ai dyshonte për tradhti.
Viktima raportoi se ishte abuzuar fizikisht nga bashkëshorti i saj për dy vjet. Korrikun e kaluar, burri arriti një marrëveshje pranimi fajësie dhe çifti më pas u ribashkua.
