Pas kritikave të Alketa Vejsiut për reality show Big Brother Vip Kosova, vjen reagimi i producentes së programit, Olsa Muhameti.
Përmes një postimi në rrjetin e saj social Instagram, Muhameti i përgjigjet kritikave të moderatores me ton ironizues dhe të ashpër.
“Dmth të gjykosh ti: “Mbretëresha” e programeve të vyshkur, arkaikë, pa emocion, ashtu fake si ty”, kështu e ka nisur replikën e saj Muhameti drejtuar Vejsiut, teksa e këshillon të mos gjykojë një program vetëm nga rrjetet sociale.
Reagimi i Olsa Muhametit
“Dmth të gjykosh ti: “Mbretëresha” e programeve të vyshkur, arkaikë, pa emocion, ashtu fake si ty!
Dhe mos analizo një program, vetëm nga rrjetet sociale meqë thua se nuk e ke parë, se tregon jo profesionalizëm!
S’ke faj se ti ashtu je, fasadë jo brendi, e si e tillë programin e gjykon nga disa video interneti.
Gjithsesi të sfidoj, po kam frikë se do humbasësh si para ca vitesh…”
olsa muhameti i pergjigjet alketa vejsiut
Por çfarë tha Alketa Vejsiu për programin e Olsa Muhametit?
Moderatorja e njohur, Alketa Vejsiu, komentoi dje në rrjetet sociale realizimin e “Big Brother VIP Kosova” dhe konkurrentët atje, duke mos kursyer aspak kritikat.
Përmes një InstaStory, Alketa Vejsiu ka deklaruar se vetë ajo në rolin e moderatores do ta prezantonte ndryshe dhe do të ngrinte nivelin e formatit, ndërsa shton se programi ka tejkaluar “çdo limit etik”.
Ajo theksoi se nuk është aspak dakord me përmbajtje me natyrë erotike që transmetohet gjatë ditës.
“Do ta prezantoja mirë; do ta ngrija nivelin, sepse tek Bigu Kosovës, nga ajo që shoh në rrjetet sociale, është tejkaluar çdo limit etik. Nuk jam për p*rno në mes të ditës, kurrsesi. Shoh skena që të krijojnë bezdi dhe diskomfort,” shkruan moderatorja.
Ajo ka komentuar edhe për zgjedhjen e personazheve brenda shtëpisë, duke u shprehur se disa prej tyre nuk përfaqësojnë asgjë përveçse “tundin të pasmet dhe japin leksione erotizmi”.
“Ka personazhe interesantë, ka pastaj njerëz që nuk e di çfarë përfaqësojnë, me çfarë statusi futen. Pse duhet të bëhen model ca modele që nuk përfaqësojnë asgjë, veç tundin të pasmet dhe na japin leksione erotizmi”, shkroi ajo.
Ndër të tjera, Alketa Vejsiu tha se suksesi mund të vijë edhe duke rritur nivelin e personazheve.
“Mendoj se edhe duke rritur nivelin e personazheve dhe narrativën, sukses dhe lajm mund të prodhohet njësoj. Unë i shpall luftë vulgariteti, dhe ata që futen do të doja shumë të kishin ç’të tregonin dhe ç’të sillnin”, deklaroi moderatorja.
Reagimi i plotë
Hah, duhet ta bëja një edicion unë. Në rolin e producentes dhe gazetares së një reality show nuk më keni imagjinuar, por do të ishte bast i fituar.
Do ta prezantoja mirë; do ta ngrija nivelin, sepse tek Bigu Kosovës, nga ajo që shoh në rrjetet sociale, është tejkaluar çdo limit etik. Nuk jam për p*rno në mes të ditës, kurrsesi. Shoh skena që të krijojnë bezdi dhe diskomfort. “The drive” është “S*x sells”. S’do të shisja gjithçka për suksesin e një formati televiziv. TV ka një mision; është hapësirë shumë e privilegjuar.
Lëre pastaj modelet që serviren, njerëzit që futen. Ka personazhe interesantë, ka pastaj njerëz që nuk e di çfarë përfaqësojnë, me çfarë statusi futen. Pse duhet të bëhen model ca modele që nuk përfaqësojnë asgjë, veç tundin të pasmet dhe na japin leksione erotizmi.
Formati, ama, është një eksperiment social televiziv i provuar për numrat dhe suksesin. Nuk e kontestoj. Mendoj se edhe duke rritur nivelin e personazheve dhe narrativën, sukses dhe lajm mund të prodhohet njësoj. Unë i shpall luftë vulgariteti, dhe ata që futen do të doja shumë të kishin ç’të tregonin dhe ç’të sillnin.
Ka personazhe interesantë që më kanë pëlqyer, ndaj s’dua ta përgjithësoj këtë qëndrim.
