Cilët janë shkaktarët dhe sëmundjet e fshehura që goja jonë “paralajmëron”?
Çfarë fshihet pas tharjes së gojës, hidhërimit dhe shijes së keqe? Cilët janë shkaktarët dhe sëmundjet e fshehura që goja jonë “paralajmëron”.
Specialisti i Bimëve Mjekësore Ylli Merja tregon trajtimin përmes bimëve popullore në emisonin “Rreze Dieli” në rubrikën “Bima dhe Shëndeti”.
Sipas tij janë disa shkaktarë kryesore që ndikojnë në tharjen e gojës dhe simptomave të tjera:
Çrregullim i funksionit të gjendrave të pështymës, çrregullim i funksionit të mëlçisë Diabeti (hiperglicemia) Ankthi, stresi, pagjumësia Myku i bardhë Parazitët në organizëm Medikamentet farmaceutike Trajtimet kimioterapeutike Sindroma “sjorgen”, sëmundje inflamatore Sëmundje të mushkërive, virale, etj
Ai këshillon kryerjen e këtyre analizave që do t’ju ndihmojnë të kuptoni më tepër se cilët janë shkaktarët që ju sjellin këto simptoma:
Eko e tiroides dhe gjëndrave të pështymës
Provat e heparit
Prova e mykut – nëse gjuha rri e zbardhur
Kulturë të fytit, HBP – nëse keni djegie në stomak
Glicemia – nëse jeni diabetikë
Por si mund t’i trajtojmë këto problematika në kushte shtëpie, përmes bimëve medicinale me disa receta të thjeshta:
-Shpëlarje e gojës 2 herë në ditë me pastë ose sodë
-Pakësoni duhanin dhe pijet alkoolike
-Përdorni fruta jo shumë të ëmbla
-Përdorni lakra të egra si çikore, rradhiqe, qumështore, lëpjetë
-Ujë me limon dhe me rigon (ose propolis rigoni). Në 500 ml ujë shtoni 1 limon të grirë dhe të shtypur, 1 lugë çaji rigon ose 15-20 pika propolis rigoni
-Përdorni finok të njomë në sallatë ose në 500 ml ujë shtoni 10-15 fije finok, 1 limon të shtrydhur dhe 2 lugë mollë të egra. Përgatiteni në darkë dhe konsumojeni gjatë ditës.
-Grijmë së bashku 1 portokall, 1 copë xhinxhër 3-4 cm, 1 kastravec, 1 mollë, 15 fije majdanoz, pak kripë dhe 1 lugë gjelle mjaltë.
-Supë detoks me 2 kunguj, 1 karrotë, 2 kastravec, 1 patate, 1 qepë të njomë, majdanoz dhe brokoli në 1 litër ujë. Në fund shtoni lëngun e një 1 limoni./Shqiptarja.com
