Astrologe Meri Gjini ka bërë parashikimin e horoskopit për javën në emisionin “Mes’dritë”, në Vizion Plus, me dyshen e moderatorëve Alma Çelaj dhe Syrjan Rahova.
Yjësitë kanë nisur një rrugëtim që prej 5 dhjetorit, që sjell ngarkesa të mëdha për çdo shenjë horoskopi, deri më 10 mars.
Pjesa më e madhe e planetëve ka qenë e vendosur bashkë. Energjia është shumë e fortë dhe sjell përplasje. Faktori i të papriturës është prezent. Nuk mund ta kontrolloni, por duhet të jeni të qetë me veten.
Venusi te Peshqit këtë javë, në datën 11, do na lehtësojë shumë. Të shtunën Saturni del nga Peshqit. Racionalia del në sipërfaqe.
Dashi
Me Venusin te Peshqit, ose keni planifikuar pushime, ose do përpiqeni të mbyllni detyrimet ekonomike, që ky Venus ju ndihmon.
Mund të vendosni pikat mbi i për pyetjet emocionale që keni patur. Është një periudhë ekulibruese që heq nga vetja çfarë i lodh dhe çfarë i mërzit.
Ëndrrat që lidhen me lëvizje për 14 shkurtin do dominojnë.
Demi
Një Venus fantastik. Nxjerr në sipërfaqe optimizëm, energji të mirë dhe njohje të reja sociale, me të cilët mund të keni bashkëpunim. Është një hyrje që për beqarët mund të sjellë njohje që do të mbeten për gjatë në jetën e tyre. Këmbimet ekonomike do jenë më të thjeshta. Kujdes edhe sot, të lindurit në fund të shenjës, me komunikimin. Venusi në katërkëndësh bën që optimizmi të dali në pah nga e mërkura dhe në vazhdim.
Binjakët
Venusi minimalisht do japë shanse dhe mundësi shumë të mira për punë të vogla që mund të shtojnë të ardhurat e tyre. Është një Venus që, nëse e organizoni si duhet, mund të sjellë siguri në trupin tuaj dhe në strukturat materiale ku mbështetet jeta juaj. Në dashuri nuk është shumë komod. Nëse vendosni të mos analizoni tepër, mund t’i merrni më të mirën marrëdhënies.
Gaforrja
Një Venus favorizues, miqësor. Gjëja e parë që duhet të bëni, nëse keni nevojë për promovim të emrit tuaj, është të shfrytëzoni maksimalisht rrjetet sociale apo ekranin, nga e mërkura. Keni një hyrje shumë komode dhe të fortë për zhvillimin e emrit tuaj nga e mërkura dhe në vazhdim. Do të ketë nevojë edhe për plane për lëvizje jashtë vendit këtë shenjë për Valentinin.
Luani
Ky Venus do të shënojë fillimin e një periudhe shumë produktive, të mirë dhe të saktë, në lëvizje që lidhen me të tretët ekonomikisht. Çfarë planesh keni për gjashtëmujorin e parë në lidhje me sistemet bankare, do ishte mirë t’i vendosni në agjendë që të mërkurën. Vëmendja dhe shkëlqimi në ambientin social do të jenë të pranishme.
Virgjëresha
Bashkëpunimet dhe njerëzit që bashkëpunojnë do të shohin një Virgjëreshë më të ëmbël, më të ngrohtë apo më të bukur në pamje. Këtë gjë do ta reflektojë Venusi te ju. Do e merrni lehtësisht këtë periudhë për të çlodhur veten nga ankthet që keni patur që nga pranvera 2023. Dhe do të bëni shumë mirë. Në punë do korrni sukses shumë më lehtë.
Peshorja
Është një Venus që nuk është miqësor, por është lehtësues për kohën. Do t’ju bëjë të ndiheni shumë më mirë se nga çfarë keni ndjerë nga 5 shkurti deri nesër (10 shkurt). Ky Venus mbyll një periudhë në të cilën keni ndjerë ngarkesa shumë të mëdha. Rrëmujën që keni pasur në kokë, nuk do e ndjeni më, ose do ndihmoheni për t’i vendosur gjërat në një vijë të drejtë. Nuk do të mungojnë propozime pune të papritura, që do të jenë “qershia mbi tortë”.
Akrepi
Një Venus te Peshqit që nxjerr anën më të brishtë të tyre. Do të kenë mundësi shumë të mirë për të shprehur dashurinë në një mënyrë shumë emocionuese. Nuk do të mungojnë lajmet e mira nga fëmijët. Prindërit Akrep do të marrin entuziazmin nga pasardhësit. Është një Venus i mirë edhe në raport me ekonominë, krahasuar me Venusin që po largohet nga Ujorët.
Shigjetari
Një Venus në katërkëndësh që zbukuron trupin e tyre dhe ambientin e punës. Kaosi do të jetë i pranishëm deri në fund të javës, për të ndryshuar ndjeshëm në vazhdimësi. Do t’i presë një periudhë shumë më e mirë pas fundit të kësaj jave. Ky Venus do të rregullojë vetëbesimin, pamjen dhe ndërveprimin me të tjerët.
Bricjapi
Venusi shumë i mirë, favorizues. Qëllimet materiale do të jenë lehtësisht të arritshme. Ka zgjerim në pjesën sociale. Ajo që do të dominojë dhe do të mbetet në mendjen e tyre është takimi me njerëz të familjes që kanë kohë që nuk i kanë parë. Përmirësim i një projekti, një përgjigje pozitive ose përmirësim i drejtëpërdrejtë i financave. Kjo pritet në fund të muajit dhe fillim të marsit.
Ujori
Në këtë periudhë kanë ankthin dhe stresin e tyre. Do të gjejnë mbështetje te dikush që e duan fort dhe do të marrin dorën e nevojshme për të kapërcyer këtë fazë. Ky Venus bën të mundur që personat që mund të mbështeten, t’i gjejnë vetë dhe nuk duhet të hezitojnë të kërkojnë suport. Kujdes sot në komunikim me njerëzit e afërt, sepse keni tendencë të jeni imponues.
Peshqit
Mërkrua është te vetja; Venusi vjen në datën 11. Saturni më në fund po largohet dhe të shtunën largohet plotësisht. Do të jeni më optimistë, më të lehtësuar, me më pak shqetësime fizike dhe më të sigurt për materien. Venusi do sjellë dy kroigjime; në raport me financat do të ndiheni më mirë dhe do të jeni më socialë. Keni mundësi për të ëndërruar bukur, duke sjellë projekte lehtësisht të arritshme.
