Astrologe Meri Gjini ka bërë parashikimin e horoskopit për javën në emisionin “Mes’dritë”, në Vizion Plus, me dyshen e moderatorëve Alma Çelaj dhe Syrjan Rahova.
Energjia e fortë vazhdon edhe sot, intensive, deri në datën 25.
Kemi kalimin e Venusit te Ujorët dhe nga data 22–23 bashkohet me Plutonin.
Prioriteti kryesor i javës janë raportet e buta dhe të kujdesshme në familje.
Ky moment sjell edhe shpenzime, por kujdes: mbani një agjendë dhe kontroll. Vetëm çfarë është e domosdoshme, pa emocione.
Dje kishim një Hënë të Re në 28 gradë, 28 gradë edhe Saturni edhe Urani.
Kjo do të thotë që kemi ndikim të drejtpërdrejtë te të lindurit në ditët e fundit të çdo shenje.
Mërkuri vazhdon të jetë me Marsin; për zhvillime profesionale është momenti.
Dashi
Kalimi i Venusit te Ujorët, Mërkuri në mesjavë dhe Marsi në fundjavë bëjnë të mundur që çfarë kanë diskutuar parimisht në dhjetor–janar, të vendoset në agjendë dhe të ketë zhvillime shumë të mira në rrugëtimin profesional. Do të vendosen pikat e fundit në bashkëpunime ose në rrugëtimin që do ndjekin në 2026. Ka një tendencë me shpenzimet, por kini kujdes. Me ardhjen e Mërkurit keni mundësi për shkresa dhe dokumente. Fillimet e punës në këto periudha i rezistojnë kohës shumë mirë.
Demi
Uranin e keni te vetja në trekëndësh me Saturnin. Të lindurit në 3 ditëshin e fundit të shenjës të kenë kujdes me lëvizjet apo shqetësimet e momentit. Të tjerët duhet të jenë të matur me komunikimin në familje dhe në çift. Venusi është në hyrje katërkëndore me Diellin tuaj, që sjell tendencë për të intimiduar në raportet personale.
Binjakët
Një Hënë e Re te Bricjapi do t’ju favorizojë shumë ju që merrni vendime të rëndësishme në familje, zgjerime familjare apo me bashkëpunëtorët. Kalimi i Venusit, Mërkurit dhe Diellit nga nesër është favorizues për t’ju lehtësuar çështjet e punës.
Gaforrja
Kishin një Hënë të Re dje pasdite. Çfarë planesh kishin për të riorganizuar bashkëpunime apo pozicionime të forta kanë momentin e vet për një ecuri shumë të mirë që do t’i rezistojë kohës. Njohja me njerëz të rinj jep mundësi për të qenë produktive. Me kalimet te Ujorët – Venusi, Dielli, Mërkuri dhe Marsi – duhet të keni kujdes në çështjet e fizikut.
Luani
Hëna e Re është shumë e mirë për të pasur zhvillime apo degëzime të reja në çështje profesionale. Nga nesër, me Diellin përballë Ujorit, qartësohet shumë mirë kjo çështje. Vendosja e trefishtë planetare te Ujorët, përballë jush, bën të mundur që në punë të mos keni ankesa, si nga ritmi ashtu edhe nga produktiviteti.
Virgjëresha
Saturnin e kanë ballë për ballë, çka bën që të kenë vendosje të momentit të fundit, jo shumë të lehta apo jo shumë të pranueshme nga ju. Vendosja e katërfishtë gjatë kësaj jave do ta lehtësojë shumë agjendën profesionale. Ritmi do të jetë më i qartë dhe më i thjeshtë. Zhvillimet janë në mënyrën si i mendoni raportet sociale e shoqërore. Është periudhë shumë e mirë nëse prisni ndërrim hapësire, vendi apo përgjigje.
Peshorja
Katër hyrje pozitive këtë javë për ju, për zhvillimet, idetë dhe mënyrën si do të gjeni zgjidhje. Do të jeni të zgjuarit e periudhës. Hëna e Re favorizon ata që kanë për të zgjidhur çështje trashëgimie dhe ata që duan të bëjnë zgjerim familjar.
Akrepi
Vendosja e katërfishtë te Ujorët bën që shpesh ta gjejnë veten në udhëkryq dhe të mos gjejnë mënyrën e duhur për të kaluar keqkuptimet në raportet njerëzore në ambientet e punës. E kanë mundësinë shumë të mirë të jenë të maturuar dhe ta mendojnë fjalën para se ta thonë. Hëna e Re te Bricjapi u jep momentin të nisin lëvizje ekonomike dhe nisje të reja. Është momenti tani për të diskutuar me të tretët.
Shigjetari
Humori i tyre këtë javë do të jetë më i lehtësuar. Do të jenë më të qeshur dhe më të gëzuar. Do të ketë vend për lëvizje, udhëtime dhe gjithashtu njohje të reja për beqarët. Me shumë pak kujdes, të lindurit në fund të shenjës për shqetësimet që keni pasur. Vështirësia më e madhe mbyllet në datën 26.
Bricjapi
Nga momenti që u qartësuan apo jo në lidhje me profesionin, kjo Hënë e Re të paktën i qartësoi çfarë kërkojnë profesionalisht në 2026. Prioritet tani del raporti me veten dhe emocionet. Analizat nisin nga mesi i javës dhe në vazhdim, pasi nga sot mund të keqkuptoheni. Sqarimet emocionale do të kenë kohën e vet.
Ujori
Mezi presin periudhën e tyre. E mbyllin javën me shumë hyrje te vetja, duke u bërë protagonistë të grupimeve të vogla. Bashkëveprimi ose puna në grup ka momentin e vet. Nuk përjashtohet vendosja në krye të një grupi. Është momenti juaj. Hëna e Re te Bricjapi ndihmon për të mbyllur problematikat nga ekonomia deri te çështjet ligjore.
Peshqit
Vendosja e katërfishtë te Ujorët do të thotë që për ju, minimalisht, të lini pas shqetësimet emocionale ose njerëzit me të cilët jeni ngarkuar emocionalisht gjatë dy viteve të fundit. Ndani mendjen për të nisur dhe për të marrë iniciativa të reja në fillim të pranverës. Objektivi është të bëni ndryshime thelbësore profesionalisht, por Hëna e Re është më tepër për të menduar mbi ndryshimet që do të bëni në profesion.
