Spartak Çela, një ndër efektivët e Repartit Zjarrfikës të Tiranës, ka ndërruar jetë papritur këtë të mërkurë në moshën 57 vjeçare.
Taku, siç e njihnin dhe e thërrisnin, ka lënë zemërthyer kolegët e Repartit të kryëqytetit.
“Drejtoria e Përgjithshme e MZSH-së në këto momente të vështira, i shpreh ngushëllimet më të sinqerta familjes Çela, miqve dhe gjithë kolegëve të shërbimit zjarrfikës. Kujtimi i Spartakut do të jetojë gjithmonë mes nesh, si një simbol i sakrificës dhe përkushtimit për të tjerët.
Spartaku ishte shembulli i përkushtimit, trimërisë dhe humanizmit. Në çdo detyrë ai tregoi guxim, ndershmëri dhe një shpirt të rrallë solidar.
Humbja e tij nuk është vetëm një dhimbje për familjen dhe të afërmit, por një boshllëk i madh për të gjithë kolegët që patën nderin ta kishin pranë”, shkruan Drejtoria e Përgjithshme e Mbrojtjes nga Zjarri dhe Shpëtimin, teksa ndan dhe një fotografi të tij.
Edhe vetë kolegët kanë ndarë mesazhe ngushëllimi, mes dhimbjes e trishtimit për ikjen e kolegut dhe mikut të tyre të mirë.
Gramoz Muçollari: U prehsh ne paqe Tak Çela, qofsh i parajses! Shumë shpejt Zoti te mori afer vetes. Do na mungosh kolegu jonë qe edhe pse ndoshta ishe i merzitur nuk te mungonte buzeqeshja. Ngushellimet me te sinqerta familjen dhe te afermeve.
