Një sherr me thika ndodhi mesditën e sotme në Maliq, mes dy të miturve, përkatësisht 14 dhe 15-vjeç,
ndërsa ky i fundit ka mbetur i plagosur, por jashtë rrezikut për jetën. Autori 14-vjeçar ka deklaruar në polici se ishte ngacmaur vazhdimisht nga 15-vjeçari.
Ndërkohë, nëna e autorit të plasgosjes, Çelnike Plaka ka dekluar për Neës24 nuk kishte dijeni për veprimin e të birit, teksa tha se të dy të miturit ziheshin shumë me njëri-tjetrin. Ajo rrëfen se djalin e kishte parë rreth ore 2 kur ka ardhur në shtëpi, por nuk e kishte parë të merrte diçka të dyshimtë, vetëm kur e kishte dëgjuar më pas për sherrin me thika.
Në të njëjtën kohë, kishte mbërritur edhe policia për të kërkuar thikën, teksa kanë marrë në pyetje edhe të miturin. Sipas rrëfimit të nënës, ky i fundi kishte treguar se ishte një thikë e vogël të cilën e kishte hedhur pas ngjarjes.
Më tej, ajo ka treguar se djali shkon rregullisht në shkollë dhe se nuk ka konflikte me shokë tjerë. Ndërkohë, familjes së 15-vjeçarit të plagosur i kërkon të qetësohen dhe ta zgjidhin këtë problem
“Nuk e dija se isha në shpi, sa dola te rruga ma thanë që është zënë. Mora vesh që është zënë me thikë, por për djalin nuk e di se si është tani. Ziheshin shumë me atë djalin, dilnin me shokët por ziheshin shumë, kishte shumë debate me atë djalin. Ai e tallte djalin.
Ai ka folur me familjen, por prapë janë zënë sot. Familja na ka thënë nuk do keni asnjë grindje, mos u shqetësoni. Ne njihemi si familje, thanë nuk do keni më shqetësime, por prapë u zunë sot. Në mëngjes djali ishte në shkollë. Rreth orës 2 do ketë qenë kur erdhi. Unë nuk e pashë nëse mori gjë nga shtëpia, thjesht kur më thanë që është zënë me thika.
Ishte shumë i shqetësuar. Në atë moment erdhi dhe policia dhe thanë që duhet të gjejmë thikën. Nuk erdhi në shtëpi direkt pas konfliktit, erdhi më pas. Ishte te gjyshja, më pas erdhi tek unë në momentin që erdhi edhe policia. Në ato momente policia e mori në pyetje dhe e mori me vete, tha duhet të gjejmë edhe thikën. Ai tha se ishte një thikë e vogël, nuk më tha ku e kishte marrë. I tha policisë: ishte një thikë e vogël, e hodha se u frikësova.
Me shokët e klasës shkon mirë, me një që ka patur debat e kanë zgjidhur. Në shkollë shkon rregullisht. Nuk kam mundur të flas me familjen e djalit. Do i thoja familjes së djalit të qetësoheshim dhe ta zgjidhnim këtë problem se janë fëmijë dhe do shkonin shumë gjëra më keq”, u shpreh nëna e autorit.
