Teksa afron mbrëmja e spektaklit ku do të vendoset fati i dy të nominuarve “kokë më kokë”, Mateos dhe Stenaldos, publiku ka nisur të shprehë preferencat e tij përmes rrjeteve sociale.
Së fundmi, aktori dhe ish-banori i “Big Brother VIP”, Jul Deda, ka zhvilluar një sondazh në llogarinë e tij në Instagram, i cili ka grumbulluar mbi 17 mijë vota në total.
Pyetjes së shtruar “Kë doni të shpëtoni..?”, ndjekësit i janë përgjigjur duke favorizuar ndjeshëm Mateon.
Sipas shifrave të publikuara në imazh, Mateo kryeson me 62% të votave, përkthyer në 10,727 votues, ndërsa Stenaldo numëron 38% të mbështetjes, me 6,622 vota.
Bazuar në këtë matje publike, Stenaldo rezulton të jetë banori më i rrezikuar për të lënë përfundimisht garën. 
Duke ndarë këto të dhëna në InstaStory, Deda e shoqëroi imazhin me shkrimin: “Rezultati i sondazhit tim modest dhe falas.”
Kujtojmë se ky mbetet thjesht një tregues orientues i rrjeteve sociale, pasi vendimi i vetëm dhe përfundimtar për rrugëtimin e djemve do të vuloset nga televotimi zyrtar i publikut gjatë transmetimit të drejtpërdrejtë.
