Astrologe Meri Gjini ka bërë parashikimin e horoskopit për javën në emisionin “Mes’dritë”, në Vizion Plus, me dyshen e moderatorëve Alma Çelaj dhe Syrjan Rahova.
Këtë javë e nisim me Hënën e Plotë te Dashi, në mbrëmjen e sotme.
Mërkuri, pas disa orësh, kalon te Akrepat, ku gjen edhe Marsin.
Kjo javë do të nxjerrë në sipërfaqe çështje që kanë mbetur nga marsi-prilli i 2025.
Do të nxjerrë në sipërfaqe informacione ose mënyrën se si të evoluojnë këto çështje, projekte, programe, çështje ligjore.
Projekte profesionale individuale do të kenë qartësim. Mërkuri te Akrepat ul tonacionin dhe e bën javën me një ritëm të mirë dhe produktiv. Hyrja e Jupiterit me Venusin ndihmon shumë ekonominë.
Nga mëngjesi i sotëm do të ishte mirë të dimë çfarë detyrimesh kemi, çfarë lëvizjesh duhet të bëjmë për të zgjidhur problemet ekonomike; vendosini prioritet që në këtë paradite.
Dashi
Në një mënyrë apo në një tjetër do të gjejnë veten në qendër të vëmendjes. Hëna e Plotë dhe hyrja e Neptunit mbi Hënë ndihmon dhe favorizohen në çështjet e profesionit. Por kujdes, imponohen tonacionet e ulëta.
Demi
Puna është prioriteti i javës. Do të ndihmohen shumë nga informacionet, lëvizjet, kontaktet që do të kenë gjatë javës. Mërkur-Mars përballë tyre i favorizon shumë. Hëna te Dashi nxjerr në pah lodhjen brenda shtëpisë. Ditët e para të javës shmangni rrëmujat në shtëpi.
Binjakët
Kjo Hënë e Plotë nxjerr në sipërfaqe shqetësimin dhe krijon stres në mënyrën si shihen ata në ambientet profesionale. Kanë një merak më shumë se duhet për mënyrën si vlerësohen dhe imazhin e tyre në punë. Bashkimi i Mërkurit me Marsin në familje do të bëjë që të ndihen të kuptuar, nuk u duhet të harxhojnë shumë energji.
Gaforrja
Hyrja e bukur e Venusit ka kryefjalë Gaforren. Çfarë propozimesh, sqarimesh apo projekte bashkëpunimi do të ishte mirë t’i vendosin në agjendë sot edhe nesër. Mund t’i marrin maksimumin ujdisë. Mërkuri dhe Marsi te Akrepat shkojnë shumë me Gaforren, gjë që bën që të mos mungojnë kontaktet dhe projektimet e punës. Kujdes në raport me kohën; duket sikur koha për veten shumëzohet me zero.
Luani
Kjo Hënë e Plotë do t’i bëjë të ndihen gati për të nisur vrapin e jetës. Janë gjithë energji, optimistë për veten. Kjo dëshirë frenohet disi nga çështjet e familjes apo dashurisë. Gjetja e formulës për t’i bërë paralelizëm çështjeve personale dhe profesionale do të ishte mënyra e artë për të shijuar një javë produktive.
Virgjëresha
Me këtë Hënë të Re janë gati të projektojnë një cikël të ri. Janë në hapat e para të projekteve të tyre profesionale. Kemi Venusin te Virgjëresha; çështje bankare, çështje me shtetin dhe çështje me të tretët të vendosen prioritet. Hëna në familjen e 6 do të bëjë që të ndjejnë suportin e familjes në maksimumin e mundshëm në evoluimin e tyre.
Peshorja
Hëna e Plotë u jep shumë vëmendje. Është një Hënë që e shijojnë për 28 ditë nga sot. Do të gjejnë veten në qendër të vëmendjes. Për çështje të rëndësishme profesionale, kjo javë do të qartësojë bashkëpunimet e tyre. Tonacionet në ambientet familjare do të ishte mirë të jenë të ulëta.
Akrepi
Do të presin Mërkurin në hyrje me Marsin. Periudha e evoluimit në çështjet e karrierës do të ndihet shumë fuqishëm nga nesër. Sot të merren me veten dhe të kujdesen për fizikun e tyre. Ndonjë shqetësim i vogël në lidhje me trupin dhe prapaskena që diskutohen nga të tretët për ju, mund të jenë dy shqetësime të mundshme.
Shigjetari
Hëna e Plotë u shkon shumë. Do të qartësojë dy çështje të rëndësishme. Ose do të marrin informacione nga projektet që kanë mbetur në pranverë, ose për çështje që i përkasin studimeve apo çështje zyrash, si dokumentacione. Fokusohuni te detyrimet tuaja; nga sot deri në datën 23 mbyllni çfarë ju ka mbetur prej kohësh, ndoshta që nga pranvera 2024.
Bricjapi
Ndryshueshmëria e agjendës do të jetë prezente nga nesër. Pak e vështirë të qëndrojnë korrekt me agjendën e planifikuar për javën. Çdo ndryshim, mesazh, kontakt, informacion që merrni do të jetë për shumë më mirë. Do të sjellë buzëqeshje dhe ritëm të përshpejtuar. Kujdesi do të duhet të tregohet në mënyrën si imponohen në familje.
Ujori
Dy çështje mund të presin zgjidhje nga kjo Hënë e Plotë: fëmijët dhe ekonomia. Me ekonominë do të kenë diskutime apo informacione. Shumë me fat të lindurit në ditët e para të Ujorëve, për të zgjidhur çështje të mëdha të rëndësishme.
Peshqit
Është një hyrje afër me Diellin, por duket sikur nuk kanë guxim t’i gëzohen optimizmit, për arsye se i kanë projektet e tyre praktike në punë. Një Saturn bën që ngjyra të jetë optimiste, por me frikë për ta treguar. Kanë përshpejtime të mëdha në projektet personale që i kanë nisur në mars-prill të 2025. Mërkuri dhe Marsi ju shkojnë përshtat dhe u japin mundësinë të shijojnë anën e tyre më romantike.
