Një “luftë” virtuale ka nisur mes dy personazheve të njohur, Arbana Osmani dhe Ledion Liço.
Disa ditë më parë, Arbana bëri një postim në Instagram, ku teksa shprehej e lumtur për suksesin e saj të “Mirëmbrëma Yje”, “thumboi” larg e larg Ledionin.
“Ajo që më gëzon më tepër është basti i fituar me këdo që mendonte se në Shqipëri vëmendja dhe klikimet merren vetëm me debate të dhunshme, skandale dhe vulgaritet. Mesa duket jo”, shkroi Arbana, duke lënë të kuptohet se i referohet sezonit të kaluar të “Big Brother VIP”.
Më pas reagoi Ledioni. Në promon e shfaqur të BBV4, ai hodhi disa “thumba” drejt Arbanës, duke nisur me frazën intriguese: “I yti ta fut” dhe duke e mbyllur me një libër ku eksploron sinonime për fjalën “yje”.
Mirëpo nuk mbaron me kaq! Edhe dy ditë më parë Ledioni e “thumboi” sërish Arbanën duke thënë: “Nëse bën njëherë Big Brother-in unë nuk gjej asnjë arsye për ta lënë, vetëm nëse të lënë ata ty. Kjo është pak por e sigurtë, nëse e bën njëherë duhet ta bësh gjithë jetën“.
Prisni se ka akoma. Në mbyllje të puntatës së parë të “Big Brother VIP Albania 4”, Ledioni ka “thumbuar” sërish Arbanën: “Të gjithë ata që thonë ‘u bëra vetë’, gënjejnë veten!”.
