Këto Krishtlindje, do të shënojnë fillimin e një epoke të re për disa prej shenjave të horoskopit.
Hëna në rritje e vendosur në shenjën e Peshqve, pritet t’ju japë qartësi e t’ju shtyjë në marrjen e vendimeve të cilat për një arsye ose një tjetër nuk kishit guximin t’i ndërmerrnit. Kjo, pasi hëna në rritje vendos fokusin tek rritja, vrulli e lëvizja përpara, ndërsa shenja e Peshqve ofron thellësi shpirtërore dhe zgjuarsi.
Kombinimi i tyre ndihmon në lënien mënjanë të çdo dyshimi. Tani, do të ndiheni më gati se kurrë për të ndërmarrë hapa konkret. Rruga dhe ndjesitë janë të qarta, e vetmja gjë që mbetet është veprimi.
Dashi
Hëna në rritje në shenjën e Peshqve ju bën të shihni të vërtetën që del në sipërfaqe. Kuptoni se ajo me të cilën keni luftuar nuk ka qenë vendimi në vetvete, por frika e zgjedhjes së gabuar. Ky tranzit hënor ju ndihmon të ndiheni më mirë e më të sigurt për hapin e radhës.
25 dhjetori sjell një moment ndërgjegjësimi. E kuptoni se ku keni qenë duke shkuar kundër instinkteve tuaja dhe papritur rruga bëhet e thjeshtë. Tani e dini se duhet të vendosni nevojat tuaja në plan të parë.
Drejtimi juaj bëhet i qartë, sepse më në fund do të dëgjoni atë që energjia po ju thoshte prej javësh. Ajo që lind tani është një plan i drejtpërdrejtë, i realizueshëm dhe çuditërisht qetësues. Filloni të ecni drejt tij me më shumë besim se më parë. Kontrolli është në duart tuaja, Dash.
Akrepi
Kjo fazë hënore aktivizon intuitën tuaj, Akrep. Keni qenë duke kërkuar një përgjigje që nuk mund të gjendet vetëm përmes logjikës. Hëna në rritje në Peshq ju ndihmon të lidheni me intuitën tuaj, aty ku gjenden të gjitha përgjigjet.
25 dhjetori shënon një pikë kthese që lidhet me një çështje personale me të cilën jeni marrë në heshtje. Ju e kuptoni çfarë duhet të përfundojë, çfarë duhet të shërohet dhe çfarë duhet të rritet. Nuk është dramatike, është thjesht reale dhe duhet përballuar.
Ndaloni së menduari më shumë seç duhet për diçka që zemra juaj tashmë ka vendosur. Sapo ta pranoni këtë të vërtet, gjithçka tjetër do të bëhet më e lehtë. Ecni përpara me bindje. Gjithçka është në rregull, besojini kësaj.
Shigjetari
Hëna në rritje në Peshq ju shton dëshirën për kuptim, Shigjetar. Po pyesni veten pse gjërat janë ashtu siç janë dhe çfarë mund të bëni për t’u dhënë atyre një drejtim më të mirë. Kohët e fundit keni kërkuar një ndjenjë qëllimi dhe ky tranzit ju bën të ditur se diçka e mirë po vjen.
Ju nuk jeni nga ata që presin që dikush tjetër t’i tregojë rrugën e duhur. Më 25 dhjetor, gjeni frymëzimin për të bërë atë që bëni gjithmonë: të dilni dhe ta gjeni vetë. Kështu krijoni suksesin tuaj.
Ju dalloni çfarë ka vërtet rëndësi dhe çfarë ishte thjesht zhurmë. Do të arrini të gjeni drejtimin sepse keni një shpirt guximtar. Entuziasmi do ju udhëheqë. Drejtojeni shigjetën dhe bëni gjënë tuaj.
