Vetëm disa ditë larg muajit prill dhe ndryshimet në aspektin astrologjik do të jenë mjaft të rëndësishme.
Astrologia, Chrysanthi Kalogeri, ka dhënë një parashikim në vija të përgjithshme për çdo shenjë zodiake për muajin pasardhës, në emisionin e “Shije Shtëpie”.
Kryesorja është Hëna e Plotë tek Peshorja, e cila do të zhvillohet në 25 prill. Një Hënë e Plotë e rëndësishme, ku do të bëhet fjalë për paqe, edhe atë në nivel botëror. Priten vështirësi përgjatë muajit prill, ku të gjithë duhet të jemi të kujdesshëm. Do të jetë një muaj shumë intensiv, me një veprimtari të vazhdueshme që do na japë mundësi që të realizojmë shumë nga ato që kemi ëndërruar. Nga ana tjetër duhet të kontrollojmë impulsivitetin tonë dhe të mos ekspozojmë veten në rrezik.
Ditët më të vështira për muajin prill priten të jenë datat 9-10 e deri në fund të muajit. Në datë 13 jo çdo gjë që shkëlqen është flori. Nga datat 19-21 prill, mund të ketë lëkundje të paqes, qoftë personale por dhe në nivel botëror.
Dashi
Një muaj shumë aktiv, ku do të keni veprimtari të vazhdueshme. Duhet të fokusoheni në marrëdhëniet tuaja të çdo lloji duke lënë mënjanë tendencat egoiste. Muaji premton fillime të reja në gjysmën e dytë. Premtohen dhe shanse të mira financiare. Njëkohësisht do të çliroheni nga jostabiliteti që keni pasur deri më tani në sferën financiare. Mos merrni vendime të gabuara këtë muaj. Mos ekspozoni veten në rreziqe të gabuara. Evitoni gjithë konfliktet nga data 19-22.
Demi
Kryesorja për ju është largimi i Uranit nga shenja juaj në datën 26 prill. Nga kjo datë e në vijim, do të keni një periudhë më të qetë. Urani kalon në shtëpinë tuaj të dytë, kështu që ju që keni dhe ashendent Dem, të jeni të përqendruar deri në 2033 në sferën financiare, ku do të keni fitime të papritura dhe stabilitet ekonomik. Afërdita, e cila hyn që në fund të marsit në shenjën tuaj, do të krijojë shanse unike në jetën tuaj. Kujdes në përditshmërinë tuaj. Evitoni shqetësimet e tepërta. Do të keni shanse për udhëtime dhe mbështetje nga të afërmit.
Binjakët
Do të jetë një muaj shumë aktiv në jetën tuaj sociale. Planet dhe synimet mund të pësojnë një transformim dhe mund të ketë të bëjë për shkak të disa pengesave nga faktorë të jashtëm. Kujdes në planet e mëdha, pasi ato duhet të jenë në bazë të mundësive tuaja. Hëna e Plotë është shumë erotike për ju dhe krijon shanse të mira, por duhet të evitoni çdo keqkuptim me njerëzit në rrjetin tuaj social. Kryesore për ju është kalimi i Uranit në shenjën tuaj, ku të ndikuar do të jenë ata të lindurit në muajin maj, pasi do të ketë ndryshime thelbësore në jetën tuaj. Çfarë duhet të keni parasysh? Do kërkoni lirinë! Duhet të dini që këtë liri që do e kërkoni, përse doni të realizoni këto ndryshime?
Gaforrja
Një muaj shumë aktiv për ju. Do të jeni direkt të ndikuar nga muaji prill, ku do të jeni në betejë në jetën tuaj sociale, por dhe atë profesionale. Do të jeni shumë të ngarkuar. Duhet të jeni shumë të kujdesshëm në mbresat që lini në bisedat dhe në marrëveshjet që do bëni. Evitoni çdo konflikt. Do të keni një antagonizëm dhe kjo duhet t’ju bëjë luftëtarë. Do keni mbështetje nga rrethi miqësor dhe shanse për zhvillim të mëtejshëm. Duhet të mbani larg syve të të tjerëve jetën tuaj personale për vitet e ardhshme.
Luani
Një periudhë shumë aktive për ju. Një periudhë me udhëtime, plane për të ardhmen. Kujdes. Këto plane duhet të jenë afatshkurtra pasi në vijim mund të pësojnë ndryshime. Duhet të jeni shumë të kujdesshëm përgjatë udhëtimeve. Të jeni të kujdesshëm në çështje ligjore që mund të shfaqen. Do të keni shanse unike në sferën profesionale që do rrisin të ardhurat tuaja. Kujdes me Hënën e Plotë që zhvillohet në datë 2, me njerëzit në rrethin tuaj, për arsye se do të keni dhe prishje të ekuilibrave.
Virgjëresha
Prilli ju fton të jeni të fokusuara në sferën financiare. Do të keni shanse për bashkëpunim financiar, por duhet të jeni të kujdesshëm. Gjithashtu kujdes me iniciativat financiare që ju doni të ndërmerrni. Mos hidhni hapa shumë të mëdhenj kur bëhet fjalë për një projekt, sepse mundësitë mund të jenë të vogla. Edhe nëse ndiheni të ngarkuar emocionalisht, mos zgjidhni shopping therapy si një mënyrë për të kaluar problemet tuaja psikologjike. Mund të keni udhëtime dhe do keni shanse të mëdha lidhur me të ardhmen dhe studimet tuaja. Urani kalon në shenjën e Binjakëve, ndaj do të keni ndryshime në punë, jetën sociale dhe në përditshmërinë tuaj.
Peshorja
Një muaj shumë aktiv. Nëse jeni në kërkim të qetësisë, nuk do e keni këtë mundësi. Do të preokupoheni në maksimum nga marrëdhëniet dhe bashkëpunimet e çdo lloji, pra si profesionale dhe ato personale. Me Hënën e Plotë në shenjën tuaj, duhet të përqendroheni tek vetja juaj dhe të evitoni pasiguritë dhe të ruani virtytin e ekuilibrit pasi do e keni të nevojshme. Mos hyni në konflikte në datat 19-22. Përfitoni nga shanset që do keni në sferën financiare dhe atë sociale.
Akrepi
Deri më datë 24, muaji ju krijon shanse unike në marrëdhënie dhe në bashkëpunimet tuaja të çdo lloji. Njëkohësisht jeni në një fazë që do keni mundësi për realizim të atyre se çfarë dëshironi. Mjafton të keni disiplinë dhe organizim në punë. Fokusohuni në punën tuaj. Mos ekspozoni veten tuaj në rrezik dhe do të çliroheni gradualisht në datën 26 dhe do gjeni qetësinë sidomos në marrëdhëniet.
Shigjetari
Një muaj shumë aktiv për ju, erotik, me peripeci. Ju që keni një biznes, do ju duhet të tregoni një kujdes të vazhdueshëm. Jo çdo gjë do të shkojë vaj edhe pse ky muaj do ju japë shumë shanse për të vepruar. Kryesorja për ju do të jetë kalimi i Uranit në datën 26, përballë jush, në shenjën e Binjakëve, ku marrëdhëniet e çdo lloji do të kalojnë në sprovë në vitet e ardhshme. Njerëz të rinj do të hyjnë në jetën tuaj, ndryshe nga ata që jeni mësuar të keni deri më tani. Do të keni gjithashtu dhe largime të bashkëpunëtorëve. Sakaq, Hëna e Plotë në Peshore ju krijon shanse në jetën tuaj sociale për zgjerimin e saj.
Bricjapi
Jeni shenja e katërt më e ndikuar e muajit prill. Nga një anë do të keni shanse unike në marrëdhëniet dhe në bashkëpunimet tuaja. Do të takoni njerëz mjaft interesantë. Do të keni bashkëpunime frytdhënëse. Kryesorja do të ishte një kombinim më i mirë mes jetës suaj familjare dhe asaj profesionale. Problemet mund të shfaqen më tepër në ambientet e shtëpisë, që mund të prishin pak psikologjinë tuaj dhe duhet të tregoheni të kujdesshëm në trajtimin e tyre. Duhet të evitoni çdo konflikt familjar.
Ujori
Prilli, sidomos në fillim të tij, do ju sjellë shanse sidomos në sferën financiare dhe kjo deri më datë 9 prill. Përveç përfitimeve do të keni dhe disa shpenzime të tepërta atje ku nuk e prisni. Kryesorja në këtë periudhë do të jetë e ardhmja afatshkurtër. Tregohuni të kujdesshëm me njerëzit me të cilët ndani të përditshmen. Mos hyni në konflikte. Kujdes në udhëtime, në lëvizjet e vogla dhe se si përdorni fjalën sepse do të hasni reagime dhe kundërshtime nga të tjerët. Ujori ikën më në fund nga shtëpia juaj e katërt në datën 26 dhe ju deri më atëherë, por dhe në vijim mund të realizoni ndryshimet e dëshiruara.
Peshqit
Fillimi i prillit krijon shanse unike në jetën profesionale dhe atë personale për takime, biseda, marrëdhënie, që do të jenë frytdhënëse. Do të keni mbështetje nga rrethi juaj dhe do të jeni shumë aktivë në përditshmërinë tuaj, në komunikim e në lëvizje të vazhdueshme. Kryesorja për ju tani është sfera financiare. Kujdes në iniciativat që do merrni këtë muaj, sidomos ju që keni ashendentin Peshq. Iniciativat që ndërmerrni këtë periudhë përcaktojnë të ardhmen tuaj. Të jeni shumë të kujdesshëm pasi mund të hyni në konflikte që e kanë bazën në çështje financiare, kryesisht në datën 13.
