Monika Urtari, një vajzë 16 vjeçare nga Shkodra, ka ndërruar jetë si pasojë e një arresti kardiak që i ka ndodhur teksa ishte në spital. Rrethanat e ngjarjes janë të pqarata, ndërkohë që Prokuroria po heton, por ajo që dihet është se Monika ka vdekur në duart e mjekëve.
Ish-kolegji saverian, gjimnazi privat “Atë Pjetër Meshkalla” në Shkodër, ka ndarë një mesazh ngushëllimi për familjen dhe shokët e shoqet e Monikës, teksa zbulon se ajo ishte një studente në këtë institucion arsimor.
“Me dhimbje të thellë morëm lajmin për ndarjen e parakohshme dhe të papritur nga jeta të nxënëses sonë të dashur, Monika Urtari. Nuk gjejmë fjalë që të shprehin trishtimin dhe boshllëkun që kjo humbje ka lënë në shkollën tonë.
Në këto momente të vështira jemi pranë familjes me lutje, besim dhe dhimbje të përbashkët. Kujtimi i Monikës do të mbetet gjithmonë i gjallë mes nesh. Pushoftë në paqe”, thuhet në reagimin publikës të shkollës ku studionte 16 vjeçarja.
Autoritetet në kryeqendrën e veriut bëjnë me dije se Monika Urtari ka humbur jetën si pasojë e një arresti kardiorespirator, sipas dyshimeve paraprake. Megjithatë, do të jetë grupi hetimor ai që do të zbardhë shkakun e saktë.
Nuk është e qartë gjithashtu se për çfarë ishte paraqitur adoleshentja në spital një ditë më parë, por ikja e saj papritur ka tronditur familjen dhe opinionin publik.
