Gjatë një diskutimi me banorët e Big Brother VIP Albania, Loredana hapi zemrën për marrëdhënien e saj me Jozin, duke pranuar se ishte humbur në këtë lidhje.
Ajo tregoi se ndjenjat e forta e kishin bërë të mos shihte disa gjëra qartë dhe se kishte lënë pas dore veten.
Gjatë rrëfimit të saj, Loredana kujtoi se babai i saj e kishte paralajmëruar për këtë marrëdhënie, por ajo e kishte ndjekur instinktin e saj, pavarësisht gjithçkaje.
Megjithatë, pasi u shkëput prej tij, ajo tha se ka reflektuar dhe kuptuar se ka humbur identitetin e saj nën ndikimin e Jozit.
“Tani që kam dalë pak nga kjo hija, nuk e ndiej më atë kimi që kisha çdo ditë. Njeriun që doja dhe që më pëlqente, nuk e shoh më përpara. Dhe kur u ngrita në këmbë, kuptova se kisha mbajtur shumë gjëra brenda vetes që s’më takonte t’i mbaja”, u shpreh ajo.
Laerti dhe Gerta, të cilët e dëgjuan me vëmendje, e mbështetën në këtë rrëfim, duke i kujtuar se sa shumë kishte ndryshuar për shkak të kësaj lidhjeje.
Ata e inkurajuan që të fokusohej më shumë tek vetja dhe të gjente sërish forcën për të qenë ajo që ishte më parë.
