Si do të jetë kjo javë në fushën astrologjike sipas Jorgo Pullës?
Cilat janë shenjat më fatlume të javës dhe kush duhet të bëjë kujdes
I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte astrologu i njohur Jorgo Pulla,
i cili bëri një analizë të detajuar për javën e dytë të këtij muaji, 10-16 mars, për 12-të shenjat e zodiakut.
Sipas astrologut Pulla kjo javë mund të konsiderohet tepër e rëndësishme sa i takon fushës profesionale me fillime të reja në karrierë, ndërsa në fushën sentimentale mund të kosiderohet si java e rilidhjeve shpirtërore.
“Kjo javë sjell ndryshime të rëndësishme astrologjike, me ndikime të mëdha dhe me nevojën për rishikim.
Këndi Diell-Saturn tek Peshqit dhe eklipsi hënor në Virgjëreshë gjithashtu me Mërkurin në retrogradë tek Dashi do të sjellin pak vonesa dhe ndikime emocionale.
Kujdes, në marrjen e vendimeve, sidomos ato serioze në çdo aspekt si dhe Kujdes komunikimin!”, theksoi Pulla, duke vijuar më pas me parashikimin e detajuar të yjeve për të gjitha shenjat e zodiakut.
DASHI
Ndryshime strategjike dhe rivlerësim! Kjo javë, me takimin e Diellit dhe Saturnit tek Peshqit, sjell një shtysë të fortë për t’u marrë me çështjet që kanë të bëjnë me jetën tuaj të përditshme me seriozitet dhe përgjegjësi.
Megjithatë, mund të ndiheni nën presion nga kërkesat e vendosura ndaj jush, qoftë nga mjedisi ose nga pritshmëritë tuaja.
Të shtunën, me Merkurin që kthehet në retrogradë në shenjën tuaj, është më mirë të shmangni vendimet e nxituara.
Në dashuri, eklipsi hënor të premten te Virgjëresha krijon nevojën për një rishikim të emocioneve tuaja dhe mund të ndjeni nevojën për të rishqyrtuar marrëdhëniet që ju shqetësojnë.
Mos hezitoni të komunikoni hapur me partnerin për të gjetur gjuhën e përbashkët.
Mërkuri retrogradë mund të shkaktojë vonesa ose shtyrje, ndaj përgatituni të ripërshtatni planet tuaja. Në planin financiar, vëmendja ndaj detajeve është thelbësore për të shmangur gabimet.
DEMI
Mundësi për riorganizim dhe zhvillim! Kjo javë sjell aktivitet të fortë mendor dhe mund të kërkoni ide të reja ose të konsideroni mënyra të ndryshme për t’iu qasur çështjeve që ju shqetësojnë. Dielli dhe Saturni te Peshqit rrisin krijimtarinë tuaj, por edhe nevojën për më shumë disiplinë në vendimet tuaja. Mos hezitoni të ndiqni mundësitë e reja që ju lindin. Në dashuri, eklipsi hënor të premten nxjerr në pah çështjet që kanë të bëjnë me marrëdhënien tuaj me partnerin. Mund të ketë momente pasigurie ose probleme që duhet t’i zgjidhni së bashku. Komunikimi është çelësi për zgjidhjen e çdo tensioni. Nëse jeni vetëm, mund të ndodhë një takim i papritur që do t’ju bëjë të mendoni. Nga e enjtja e tutje, jeni të detyruar të merreni me çështje organizative dhe të koordinoni me kujdes veprimet tuaja. Financiarisht, mund të përballeni me vonesa në pagesa ose duhet të rishikoni buxhetin tuaj për shkak të shpenzimeve të paparashikuara.
BINJAKËT
Konflikte të brendshme dhe pastrime emocionale! Kjo javë sjell një nxitje në vetëbesimin tuaj dhe aftësinë për të kuptuar situatat në thellësi. Dielli dhe Saturni te Peshqit ju thërrasin të reflektoni për nevojat tuaja të vërteta dhe të vendosni kufizime në situatat që ju shqetësojnë. Mërkuri retrogradë të shtunën mund të sjellë disa vonesa ose pengesa në planet tuaja profesionale. Në dashuri, eklipsi hënor të premten sjell një vlerësim emocional. Nëse keni një marrëdhënie që ju shqetëson, mund të jetë koha për t’i dhënë fund ose për të rishikuar pritshmëritë tuaja. Nëse jeni beqarë, eklipsi mund të sjellë edhe zbulime të reja emocionale. Me Mërkurin retrogradë, është mirë të shmangni ndryshime të mëdha ose marrëveshje të reja tani për tani. Në planin financiar mund të krijohen situata të papritura që kërkojnë një rivlerësim të kujdesshëm të financave tuaja.
GAFORRJA
Vendime vendimtare dhe qasje realiste! Kjo javë sjell një theks në bashkëpunimin dhe gjetjen e mënyrave për të përmirësuar jetën tuaj të përditshme. Dielli dhe Saturni te Peshqit paralajmërojnë për nevojën për të vazhduar me kujdes në çdo hap të ri, veçanërisht kur ka të bëjë me zgjedhje të rëndësishme personale ose profesionale. Mërkuri retrogradë të shtunën mund të shkaktojë trazira, kryesisht në lidhje me komunikimet dhe udhëtimet. Në dashuri, çdo vështirësi është mirë ta përballoni me durim dhe mirëkuptim. Eklipsi hënor të premten sjell një fazë të re në mënyrën se si e perceptoni jetën tuaj të dashurisë. Nëse jeni vetëm, mund t’i shihni gjërat nga një këndvështrim më realist. Në çështjet tuaja profesionale, java kërkon organizim dhe mendim afatgjatë. Mund të lindin probleme që kërkojnë zgjidhje me ndihmën e partnerëve ose ekspertëve. Në planin financiar, Mërkuri retrogradë paralajmëron gabime në marrëveshje ose vonesa në pagesa.
LUANI
Stabilitet dhe lëvizje të kujdesshme! Kjo javë sjell tensione të brendshme që mund t’ju bëjnë të ndiheni sikur është e vështirë të gjeni drejtimin e duhur. Megjithatë, Dielli dhe Saturni te Peshqit ju nxisin të përqendroheni në atë që është vërtetë e vlefshme për ju dhe ta forconi atë. Mërkuri retrogradë të shtunën mund të shkaktojë vonesa në punët e rregullta të përditshme, ndaj jini të durueshëm dhe shmangni lëvizjet e nxituara. Në dashuri, eklipsi hënor te Virgjëresha sjell emocionet tuaja në formë dhe mund të çojë në zbulime ose ndryshime në mënyrën se si i qaseni marrëdhënieve tuaja. Nëse jeni në një lidhje, është e rëndësishme të komunikoni hapur nevojat dhe ndjenjat tuaja. Nëse jeni beqarë, një takim i ri mund të zbulojë një perspektivë interesante. Mos nxitoni të bëni lëvizje të mëdha në karrierën tuaj, pasi Merkuri retrogradë mund të sjellë keqkuptime ose vonesa. Në planin financiar është më mirë të shmangni rreziqet dhe të kufizoni shpenzimet për momentin.
VIRGJËRESHA
Rivlerësim dhe tensione në marrëdhëniet personale! Kjo javë sjell vrull dhe energji në fushën e qëllimeve tuaja personale. Megjithatë, me eklipsin hënor në shenjën tuaj, ka të ngjarë të ndjeni nevojën për të rivlerësuar qëllimet tuaja ose për të lëvizur në një drejtim të ri. Nëse diçka nuk ju shkon mirë, mos kini frikë ta lini pas. Dielli dhe Saturni tek Peshqit ju bëjnë thirrje që t’i kushtoni vëmendje ekuilibrit mes jetës profesionale dhe asaj personale. Në dashuri keni një marrëdhënie që po ju shkakton tension, kjo periudhë mund të sjellë vendime që nuk mund të shtyhen më. Eklipsi hënor ndikon në fushën tuaj emocionale dhe ju thërret të mbyllni rrethin e disa situatave. Në aspektin profesional, java kërkon që të bëni plane të ngushta dhe t’i merrni seriozisht detyrat e përditshme. Në planin financiar është mirë të rishikoni detyrimet tuaja dhe të fokusoheni në investimet dhe shpenzimet tuaja.
PESHORJA
Rishikimi i prioriteteve dhe sfidave të komunikimit! Kjo javë sjell sfida në lidhje me marrëdhënien tuaj me veten dhe mënyrën se si i shihni prioritetet tuaja personale. Me Diellin dhe Saturnin tek Peshqit, ekziston një nevojë e fortë për të riorganizuar jetën e përditshme dhe për t’u fokusuar në planet afatgjata. Megjithatë, Mërkuri retrogradë të shtunën mund të sjellë vonesa dhe një rishqyrtim të mënyrës sesi i keni trajtuar disa situata. Në dashuri, eklipsi hënor të premten mund të sjellë tronditje të forta emocionale, veçanërisht nëse ka çështje të hapura nga e kaluara. Nëse jeni në një lidhje, mund të jetë koha të përballeni me disa të vërteta të vështira. Nëse jeni beqarë, mund të ketë ngatërresa emocionale që duhet të sqarohen. Mërkuri retrogradë mund të shkaktojë vonesa dhe keqkuptime, ndaj sigurohuni që të jeni më të kujdesshëm në komunikimet dhe marrëveshjet tuaja. Në planin financiar shmangni blerjet impulsive dhe kontrolloni më rreptësisht shpenzimet tuaja.
AKREPI
Hapje dhe kthesa emocionale! Kjo javë është ideale për të rishikuar disa nga zgjedhjet tuaja dhe për t’i dhënë përparësi drejtimeve të reja. Dielli dhe Saturni te Peshqit sugjerojnë që të merrni vendime serioze në lidhje me jetën tuaj personale dhe planet për të ardhmen tuaj. Mërkuri retrogradë të shtunën sjell disa vonesa, veçanërisht kur bëhet fjalë për komunikimin me të tjerët. Në dashuri, java sjell tension të fortë emocional. Eklipsi hënor të premten mund të nxjerrë në sipërfaqe çështjet që kishit lënë mënjanë, duke ju bërë të mendoni për qëndrueshmërinë e marrëdhënieve tuaja. Pavarësisht nëse jeni në një lidhje apo jo, do t’ju duhet të merreni me emocionet tuaja në mënyrë më të pjekur. Me Mërkurin retrogradë, bëni kujdes me marrëveshjet dhe kontratat profesionale, pasi mund të ketë keqkuptime apo vonesa. Nga ana financiare mund të lindin shpenzime të paparashikuara që kërkojnë menaxhim të menjëhershëm.
SHIGJETARI
Humor për ndryshime dhe fillime të reja! Kjo javë sjell një fazë të re në jetën tuaj personale dhe drejtimin që po ndiqni. Dielli dhe Saturni tek Peshqit ju nxisin të përqendroheni në menaxhimin e kohës dhe të vendosni kufij të rinj. Të shtunën, me Mërkurin retrogradë, mund të ketë vonesa në çështjet që lidhen me shtëpinë ose familjen. Në dashuri eklipsi hënor të premten tregon nevojën për sqarime në marrëdhëniet që nuk ju kënaqin më ose për vendime në lidhje me rrugën tuaj të ardhshme. Nëse jeni në një lidhje mund të ketë sfida, por thellësia e komunikimit do ju afrojë. Në aspektin profesional java sjell mundësi, por duhet të jeni të kujdesshëm me detajet. Mërkuri retrogradë mund të sjellë vonesa në projektet e planifikuara ose çështjet pezull që kishit lënë pas. Në planin financiar është mirë të kontrolloni pagesat e nevojshme dhe të shmangni shpenzimet!
BRICJAPI
Vendime të rënda dhe përmbysje radikale! Kjo javë ju bën thirrje që të rivlerësoni ambiciet tuaja dhe strategjitë që ndiqni. Dielli dhe Saturni te Peshqit ofrojnë mundësinë për të krijuar një themel më të fortë, por kjo kërkon kohë dhe durim. Mërkuri kthehet në retrogradë të shtunën, ndoshta duke shkaktuar vonesa ose pengesa në planet tuaja. Në dashuri, eklipsi hënor të premten ju detyron të përballeni me çështje më të thella emocionale dhe t’i hidhni një vështrim më kritik marrëdhënies suaj. Nëse diçka nuk ju kënaq, tani është koha për ta shprehur atë dhe për të bërë ndryshimet e nevojshme. Nëse jeni beqarë, mund të gjeni dikë që mund t’ju trazojë emocionet. Në sektorin profesional, java ju fton të punoni shumë dhe të vendosni synime të reja. Mund të lindin pengesa ose vonesa të paparashikuara për shkak të retrogradit të Mërkurit. Në planin financiar është e rëndësishme të tregoheni të kujdesshëm me transaksionet dhe të shmangni shpenzimet e panevojshme.
UJORI
Rivlerësime kreative dhe trajtim i kujdesshëm! Kjo javë sjell frymëzim për ide të reja dhe ndryshime në jetën tuaj. Dielli dhe Saturni te Peshqit rrisin krijimtarinë tuaj dhe ju japin mundësinë të bëni plane për të ardhmen. Megjithatë, retrogradi i Mërkurit të shtunën mund të sjellë pengesa dhe vonesa, kryesisht në lidhje me komunikimet dhe marrëveshjet tuaja. Në dashuri, eklipsi hënor të premten sjell trazira emocionale dhe mund të ndjeni nevojën për të bërë disa ndryshime në marrëdhëniet tuaja ose të rishikoni atë që dëshironi nga një marrëdhënie. Nëse jeni në një lidhje, komunikimi me partnerin do të jetë vendimtar për të shmangur keqkuptimet. Mërkuri në retrogradë mund të shkaktojë vonesa ose rishikime të disa planeve që kishit bërë. Në planin financiar mund t’ju duhet të jeni të kujdesshëm në mënyrën e menaxhimit të parave dhe të mos bëni investime të nxituara.
PESHQIT
Trazira emocionale dhe ndryshime në rrugë! Kjo javë është mjaft dinamike për ju, me shumë mundësi për të ripërcaktuar prioritetet tuaja dhe për të bërë lëvizje solide për të ardhmen. Takimi i Diellit me Saturnin tek Peshqit forcon intuitën tuaj dhe nevojën për vendime serioze. Megjithatë, Mërkuri retrogradë të shtunën mund të sjellë disa shqetësime, veçanërisht në komunikimet personale. Në dashuri java sjell tension emocional dhe mund t’ju duhet të rishikoni disa marrëdhënie që po ju shkaktojnë pasiguri. Eklipsi hënor të premten ju bën thirrje që të bëni zbulime të thella emocionale dhe të reflektoni për të ardhmen e marrëdhënies tuaj. Nëse jeni beqarë, një njohje e re mund t’ju bëjë të mendoni një raport. Në aspektin profesional, java kërkon punë të palodhur dhe vendime serioze nga ju. Mërkuri retrogradë mund të krijojë vonesa ose komplikime në çështjet që lidhen me të ardhmen tuaj profesionale. Në planin financiar mund t’ju duhet të bëni një bilanc dhe të shmangni me patjetër shpenzimet.
