Elgit Doda dhe Klea Huta janë konsideruar për vite me
radhë një nga çiftet më të dashur dhe më të admiruar të showbiz-it shqiptar.
Me një kimi që binte në sy në çdo paraqitje publike dhe me një prani të vazhdueshme në rrjetet sociale, ata kanë ndërtuar një imazh të fortë të dashurisë dhe familjes së lumtur.
Por së fundmi, ndjekësit kanë vënë re një mungesë të pazakontë të dyshes në rrjete sociale. Nuk ka më postime të përbashkëta, as komente të ndërsjella dhe as video familjare, gjë që ka ngritur dyshimet për një krizë në marrëdhënien e tyre.
Ajo që ka shtuar më shumë dyshimet është fakti se të gjitha postimet ku shfaqeshin bashkë janë fshirë nga profili i të dyve në Instagram.
Ky veprim i papritur ka ngjallur reagime të shumta nga fansat, të cilët kanë filluar të spekulojnë për një ndarje të mundshme.
Megjithatë, një detaj i vogël por domethënës lë një derë hapur për shpresë: Elgiti dhe Klea vazhdojnë të ndjekin njëri-tjetrin në Instagram, çka mund të tregojë se marrëdhënia mes tyre nuk është përfunduar, por mund të jetë në një fazë delikate.
Deri tani, asnjëri prej tyre nuk ka reaguar publikisht për të sqaruar situatën, duke lënë gjithçka në kuadër të thashethemeve dhe hamendësimeve.
