Hyrja e Kostana Moravës dhe Inida Gjatës (Zhakut) në “Ferma VIP” ka ndryshuar tërësisht dinamikat e shtëpisë.
Dy vajzat nuk kanë humbur aspak kohë për t’u ambientuar, por janë përfshirë menjëherë në qendër të lojës, duke krijuar situata dhe debate të forta që në ditët e para të qëndrimit të tyre.
Megjithatë, një detaj nuk u ka shpëtuar syrit të mprehtë të publikut: pjesa më e madhe e debateve dhe përplasjeve të dy banoreve të reja ka qenë e shënjestruar te një emër i vetëm, Sara Karaj.
Ky përqendrim i papritur ka ngritur dyshime të forta në rrjetet sociale se pas kësaj sjelljeje fshihet një “mision i fshehtë” i mirëmenduar.
Sipas aludimeve dhe komenteve të shumta të ndjekësve, Kostana dhe Zhaku mund të kenë hyrë në shtëpi me një objektiv të qartë: të faktorizojnë dhe të lartësojnë imazhin e Sarës në lojë.
Kjo teori vjen pasi, kohët e fundit, Sara ka pasur një rënie të dukshme në pëlqyeshmërinë e publikut. Përplasjet e vazhdueshme dhe “sulmet” nga hyrjet e reja mund të jenë një strategji e fshehtë për ta vendosur atë në pozicionin e viktimës dhe për ta rikthyer fuqishëm në vëmendjen e audiencës.
Këto dyshime për një axhendë të parapërgatitur janë përforcuar akoma më shumë nga veprimet e Zhakut. Ndonëse fillimisht u duk se ajo hyri në format si një mbështetëse e deklaruar e Mimoza Ahmetit, sjellja e saj brenda shtëpisë ka treguar krejt të kundërtën.
Zhaku jo vetëm që nuk e ka mbështetur, por e ka ironizuar dhe provokuar vazhdimisht Mozën. Rasti më flagrant ishte kur i solli në vëmendje dhe e thumboi me fjalën kuçkë – një situatë që shkaktoi debate të ashpra dhe solli eliminimin e Olës.
Mbetet për t’u parë se si do të zhvillohen këto dinamika dhe nëse Sara Karaj do të përfitojë vërtet nga kjo situatë “e nxehtë”
