Aktori dhe moderatori i njohur, Julian Deda, u ka kushtuar pak kohë ndjekësve të tij në rrjetet sociale, duke bërë një bisedë virutale me ta.
“Vetëm pyetje që mund ti përgjigjem me 1 fjalë…”, ka shkruar Juli në një postim në “Instastory”, duke u dhënë mundësinë fansave që t’a pyesin për çdo gjë.
E siç ndodh zakonisht me personazhet e njohur të ekranit, kurioziteti i ndjekësve është i madh për çdo gjë, si nga jeta profesionale ashtu edhe private.
Pyetjet për aktorin kanë qenë edhe në lidhje me disa prej ish-banorëve të “Big Brother VIP 3”, ku ai ishte edhe një nga finalistët.
Por jo vetëm kaq, pasi dikush ka dashur që të dijë nëse Julit i pëlqen roli i opinionistit në këtë format.
“A do bëheshe në të ardhmen pjesë e Big Brother VIP si opinionist?”, ishte një nga pyetjet e drejtuara nga ndjekësit e tij.
E ish-finalisti i shtëpisë më të famshme në Shqipëri i është përgjigjur shkurt dhe qartë:
“Me gjithë qejf”.
