Një ngjarje e rëndë është regjistruar paraditen e kësaj të diele në Durrës, ku një 11-vjeçar nga Tirana ka humbur jetën pasi është mbytur në det.
Sipas raportimit të një qytetareje që ndodhej në vendngjarje, ngjarja ka ndodhur rreth orës 10:35 te Kavalishenca në Durrës, ndërsa i mituri e kishte çadrën te Tropikal.
Qytetarja thotë se fëmija është konstatuar fillimisht në det pa lëvizje nga një person i pranishëm, i cili ka kuptuar se diçka nuk shkonte dhe më pas është bërë nxjerrja e tij në breg, në zonën e Kavalishencës pranë policisë.
Ajo tregon se një mjeke e pranishme ka ndërhyrë menjëherë duke i dhënë ndihmën e parë për rreth 15 minuta pa ndërprerje, ndërsa i mituri nuk ka reaguar dhe i dilte shkumë nga goja.
Qytetarja shton se ambulanca ka mbërritur rreth 19 minuta pas njoftimit, por pavarësisht ndërhyrjes i mituri nuk ka mundur të mbijetojë.
Ai ndodhej në plazh me motrën dhe mamin dhe sipas dëshmive nga vendngjarja,
nëna ka humbur ndjenjat për një moment, ndërsa motra e tij ka qenë në gjendje të rënduar emocionale duke kërkuar ndihmë e telefonuar familjarë të tjerë.
Qytetarja thotë gjithashtu se në zonë ndodhet një kullë vrojtimi, por që nuk është funksionale siç duhet, pasi personat përgjegjës qëndrojnë më shumë në pjesën e pasme të saj, në hije.
Ngjarja ka shkaktuar panik te pushuesit e pranishëm, pasi raste të tilla sa vijnë e shtohen.
Autoritetet po punojnë për të sqaruar plotësisht rrethanat e incidentit tragjik.
Mesazhi i qytetares:
“Ambulanca 19 minuta pas telefonates time ka ardhur, nderkohe goca qe mu pergjigj me tha qe ishin njoftuar dhe ishte nisur. O zot ishte e tmerrshme, djali ishte në klase e 5, ishte në plazh me motren e mamin.
Cadra tij ishte nga zona e Tropikalit, nderkohe eshte nxjerre tek zona e Kavalishences, tek policia ,e ka pare nje burre qe ishte mbi det pa levizur dhe aty e ka kuptuar qe ka dicka qe nuk shkon. Nje doktoreshe i ka dhene ndihme per 15 minuta pa ndalese , nxirrte shkume nga goja.
Kulla vrojtimit eshte bosh ketu te Kavishenca, dmth jane ca cuna qe rrine, por rrine nga mbrapa kulles ku bie hija. Por edhe pergjegjesia e prinderve duhet te jete maksimale por ca te bejme. Jemi tronditur, nenes i ra nje moment te fiket, motra qante me te madhe dhe merrte babin dhe te tjere ne tel qe u kerkonte ndihme atyre nga tel duke ulerit me te madhe. Sdi si ta pershkruaj. Kush ka mundur i ka dhene ndihme, te tjeret jane luturrrr te shpetonteeee
