Parashikimi i Horoskopit javor nga astrologe Meri Gjini në emisionin 7pa5 në Vizion Plus.
Është java ku Dielli kalon nga Demi te Binjakët. Është normale të ndjejmë energji të përshpejtuar.
Urani vazhdon të jetë në hyrje të drejtëpërdrejtë me Diellin dhe Saturni tranzitor do të ndihet më fort, por në kuptimin e lehtësimit.
Dashi
Kanë një hyrje të mirë për të marrë situatën në kontroll.
E para, duhet të dinë ku gjenden me situatën ekonomike; e dyta, të dinë ku duan t’i çojnë çështjet praktike dhe profesionale.
Në rastin e Saturnit te Dashi, do kenë mundësi të ristrukturojnë nga fillimi statusin e tyre profesional.
Të merren me ecurinë e tyre në drejtim të profesionit. Me Venusin në hyrje të fortë me Marsin, pasioni nuk do të mungojë.
Demi
Kanë Mërkurin te vetja. Mërkuri është te ata, në katërkëndësh me Hënën, por edhe me Marsin.
Kjo bën që gjatë ditës së sotme e deri të mërkurën të duhet të zgjidhin problematikat e mbartura në çështjet personale në çift dhe në familje.
Por duhet të organizojnë edhe lëvizjet me maturi. Urani në hyrje të drejtë me Diellin do të rezultojë për mirë në çfarëdo që do të dëgjojnë. Profesioni apo evoluimi personal do të jetë ndjesia dhe qëllimi deri më 16 qershor.
Binjakët
Hyrjet e Mërkurit në qendër do të favorizojnë zgjidhje të çështjeve që kanë të bëjnë me profesionin. Ardhja e Diellit te ju dhe kalimi i Saturnit te Dashi do të shënojë fillimin e një periudhe që do të jetë shumë më e lehtësuar për çfarë shqetësimesh keni pasur. Do t’ju jepet mundësi. Kështu, merrni guximin për të shfrytëzuar për çfarë keni të rëndësishme, si ujdi, blerje, pronësi, çështje ligjore.
Gaforrja
Janë të lehtësuar. Hëna dhe Neptuni në hartën e vendit tonë janë te Gaforrja. Por gjithsesi, nevoja për të shkëlqyer do të jetë e pranishme me kalimin e Diellit te Binjakët. Ata që kanë për të mbyllur çështje dhe kanë ujdi për të firmosur e kanë shumë të thjeshtë dhe të lehtë të marrin atë që presin dhe duan. Sidomos të lindurit në 10-ditëshin e fundit të shenjës do të marrin atë që duan.
Luani
Marsin e kanë te vetja. Të gjithë Luanët kanë arsye që agjenda të jetë e ngjeshur dhe me obligime. Pavarësisht se Marsi është në katërkëndësh me Uranin te Demat. Këshilla e muajit është: më mirë veproni sesa sqaroni. Sot dhe nesër Hëna është ballë për ballë. Planetin e fatit e kanë në pozicion të rëndësishëm; duhet ta shfrytëzojnë për shqetësimet që kanë pasur.
Virgjëresha
Saturni është në gradët e fundit. Marsi është në familjen e 12-të të tyre. Këto janë momentet e fundit që duhet të shqetësohen me çështje që i përkasin të djeshmes. Dielli te Binjakët u shkon shumë. Do të jetë zhvillues për Virgjëreshën. Ka plane për ndryshim dhe për lëvizje. Janë në pritje të Marsit dhe, pavarësisht planeve, në mesin e verës do të impenjohen me çështjet e karrierës dhe profesionit.
Peshorja
Me Diellin në një pozicion shumë të rëndësishëm te Binjakët, për Peshoren është një periudhë shumë e rëndësishme për çështje zyrtare, ligjore, ujdi dhe firmosje. Këto ndihmohen edhe nga Mërkuri te Demat dhe me vendosjen e Marsit te Luanët. Duhet të kenë parasysh të qëndrojnë larg virozave edhe nesër. Situata lehtësohet shumë nga e mërkura dhe në vazhdim.
Akrepi
Mërkuri është ballë për ballë. Është e pamundur që të mos kenë lëvizje të cilat janë të domosdoshme. Ka plane që shkojnë siç i presin, por faktori i të papriturës është prezent. Në familje dhe në punë mund të ketë të papritura. Çështjet që i përkasin familjes duan kujdes, pasi mund të dalë situata nga kontrolli.
Shigjetari
Kalimi i Diellit përballë tyre, ku ndodhet Jupiteri, do të shënojë fillimin e lëvizjes diellore më të mbarë të të gjithë vitit. Nga data 21 maj deri më 21 qershor do të jetojnë muajin më të bukur të tyre. Deri nesër kini kujdes në lëvizjet tuaja, qoftë edhe në punët e shtëpisë.
Bricjapi
Familja është kryefjala këtë periudhë. Në kuptimin e bukur, të zgjerimit, zgjidhje çështjesh pronësie dhe rregullim të problematikave. Është një javë me lëvizje të bukura nesër dhe pasnesër. Me Hënën te Peshqit favorizohen shumë në kthjellimin e ideve dhe çfarë ka të bëjë me shpirtin. Do të ndihen kreativë për të dhënë më të mirën në familjet e tyre.
Ujori
Marsin e kanë ballë për ballë. Është e pamundur që të mos të gricen nga të tjerët. Nuk do t’i lënë rehat. Çështja më e rëndësishme e periudhës lidhet me punën dhe bashkëpunimet. E marta dhe e mërkura janë ditët më të mira të javës.
Peshqit
Janë me tendencë sot që të jenë fjalëpak dhe në ambiente me pak njerëz. Saturni është lehtësues për ju. Kalimi i Diellit te Binjakët ju favorizon për çështje që i përkasin shtëpisë dhe ndryshimeve në punë. Të dyja do të jenë tematikë qëndrore për sa kohë Dielli është te Binjakët.
/vizionplus.tv
