Në shtëpinë e Big Brother VIP Albania, Brikena dhe Mateo kanë zhvilluar një bisedë të gjatë dhe mjaft të sinqertë me njëri-tjetrin. Gjatë këtij momenti, banorja ka folur hapur për situatën e saj në lojë dhe për mënyrën se si dëshiron të perceptohet nga publiku.
Brikena, e cila aktualisht ndodhet në nominim kokë më kokë me Gimbon, i sqaroi Mateos se nuk dëshiron të ndryshojë sjellje vetëm për shkak të televotimit. Ajo theksoi se nuk ka ndërmend të afrohet me të thjesht për të krijuar një përshtypje të mirë te publiku.
“Nuk bëj gjëra për nominim ose të afrohem me ty më shumë për nominim. Kështu që unë thjesht do të qëndroj vetvetja, do të qëndroj në mënyrë normale. E në qoftë se publiku do me më mbajt brenda, me më mbajt për personin që jam, jo me thënë njerëzit a kjo u afrua prej nominimit.
Unë thjesht këto dy ditë kisha dashur normal me i shijuar edhe me ty, siç i kemi shijuar gjithmonë. Unë edhe me dalë jashtë të kam thënë se të pres jashtë. Sepse dua me të njohur si person, kam një pëlqim për ty. Por që nuk dua fare të bëj gjëra për nominim dhe ti rris gjërat për nominim, fare. Kjo gjë nuk do të ndodhë nga ana ime këto ditë”, i tha Brikena Mateos.
Ky i fundit e vlerësoi faktin që banorja nuk po bën asgjë më shumë në raportin e tyre vetëm për show dhe për famë.
“Ti se ke idenë sa e vlerësoj faktin që ti se bën këtë për show dhe për famë sado që nuk ta them. E vlerësoj që nuk e bëre dasmën për klikime. E vlerësoj që nuk më puth me i bërë qejfin publikut apo me qëndruar më shumë këtu”, iu drejtua Mateo-Brikenës.
