Si të mos mjaftonin kritikat e shumta dhe debatet që Sara Karaj nxit shpesh në rrjetet sociale me sjelljen e saj brenda “Ferma VIP”, një deklaratë e saj e fundit duket se ka trazuar sërish ujërat dhe e ka vendosur atë në një pozitë mjaft të vështirë.
Gjatë një bisede të qetë me vajzat e tjera të fermës, Sara ka bërë një rrëfim të papritur që ka habitur jo pak si banoret, ashtu edhe publikun që po e ndiqte live.
Ajo ka zbuluar hapur se ka marrë informacioneve nga bota jashtë. Në deklaratën e saj, Sara shprehet:
“I kam marrë informacionet që kam dashur këtu, edhe për Fan Club-in… [Mi kanë thënë]”.
Ndjekësit tashmë po pyesin se si ka arritur ajo të komunikojë për botën e jashtme dhe kush i ka përcjellë këto detaje.
Mbetet për t’u parë se si do të reagojë produksioni pas këtij pranimi të hapur nga ana e Sarës dhe nëse do të ketë masa disiplinore ndaj saj në spektaklin e radhës.
