Hëna e re në shenjën e Demit do të ketë ndikim pozitiv tek shenjat, bëri të ditur astrologia Meri Shehu këtë të hënë, më 11 maj, në emisionin “Rudina” në Tv Klan.
Ajo tha se hëna e re do të na çlirojë nga disa pengesa dhe bllokime dhe kjo javë do të jetë romantike dhe e rëndësishme për Akrepët, Gaforret dhe Peshqit. Meri Shehu bëri parashikimin e saj javor për të gjitha shenjat duke i vlerësuar me yje.
Dashi, 2 yje: Në fund të javës do të shikojnë një çlirim ose një ndryshim në çështjet e tyre ekonomike ose një mbështetje familjare. Deri atëherë do të jenë pak melankolikë dhe do të merren me gjërat e tyre të fshehta, me veten e tyre, të zbulojnë çfarë duan.
Demi, 5 yje: Kjo ndodh sepse kemi Diellin në Dem, është futur Mërkuri në Dem, që bën disa lidhje të bukura me Diellin dhe Jupiterin në Gaforre. Demët e marrin veten dhe futen në një normalitet. Duhet të fillojnë nga data 15-16 maj një grumbullim energjish në çështjet e tyre ekonomike.
Binjakët, 3 yje: Sepse janë në një moment që po priten ndryshime të mëdha, ose janë në stimulin e këtyre ndryshimeve në jetën e tyre. Gjërat do të ndryshojnë aq shumë, por do të kenë një bllokim pune ose të bllokuar në mendimet e tyre dhe shumë Binjakë mund të ndihen të sforcuar edhe në çështjet familjare dhe personale. Duhet të presin datën 15 për një çlirim ose marrjen e një pune të re.
Gaforrja, 4 yje: Janë të favorizuara, por Gaforret e lindura në 10-ditëshin e dytë do të përballen me pengesa dhe pasiguri. Megjithatë Gaforret në përgjithësi do të kenë përparësi të mira. Po përgatiten për një bashkëpunim apo një aleancë të re në jetën dhe punët e tyre.
Luani, 1 yll: Do të favorizohen Luanët e lindur në 10-ditëshin e dytë, do të marrin shumë fuqi dhe potencë. Deri sa të shkojmë tek Hëna e re, kjo javë nuk është shumë pozitive sidomos në çështjet ekonomike që kërkojnë dhe mbartin një lloj emocioni. Ose do të marrin kredi ose do të japin para borxh nën efekt trysnie. Kujdes!
Virgjëresha, 3 yje: Shumë kontroll Virgjëreshat në çështjet ekonomike, por Hëna e re në Dem është shumë mbrojtëse dhe do të thoja që arrijnë në një maksimalizim të fuqive të tyre dhe marrin një mbështetje të mirë, qoftë ekonomike, por sidomos në jetën personale, ku fillojnë të zhvillohen dhe jeta e tyre merr një drejtim të mirë nga një ngecje që kanë pasur.
Peshorja, 2 yje: Peshoret e lindura në 10-ditëshin e dytë futen me sforco në një marrëdhënie, në një bashkëpunim ose në një martesë. Kjo do të thotë që do të marrin përgjegjësi dhe kjo do të ndihet sikur jeta e tyre do të mbartë një peshë ose ato nuk do të jenë të lira si më parë. Megjithatë Peshoret janë me fat në këtë periudhë.
Akrepi, 4 yje: Fillojnë sot me Hënën në Peshk, e cila është shumë erotike për Akrepët. Do të kenë lajme të mira, takime emocionale dhe erotike shumë pozitive. Fundi i javës u jep një përparësi në një bashkëpunim, një kontratë të re pune, ose një avancim në çështjet ekonomike duke u mbështetur në një udhëtim që do të bëjnë jashtë. Bëjini këto udhëtime dhe takime në to sepse mund t’ju dalë fati! Mund të jetë momenti i fatit për Akrepët.
Shigjetari, 2 yje: Janë në kontakte të mira dhe bashkëpunimet po ecin jashtë mase mirë. Pas datës 15-16 maj kemi ndryshime të rëndësishme në lidhje me punën, puna e përditshme do të ndryshojë dhe do të bëni një marrëveshje të mirë ekonomike. Ndaj një propozim i mirë do ju vijë këtë javë. Marrëdhëniet në lidhje me punën do të jenë më të mira dhe do të ndryshojnë mënyrën sesi po punojnë.
Bricjapi, 4 yje: Vetëm Bricjapët e lindur në 10-ditëshin e dytë nuk do të ndihen mirë, pasi do të ndihen nën kontroll në çështje apo përgjegjësi familjare. Megjithatë këto janë ditë të mira bashkëpunimesh, kontratash pune dhe do të kenë rastësi shumë pozitive. Pas datës 16 maj do të keni kontakte me jashtë, udhëtime dhe njohje të mira.
Ujori, 3 yje: Ujorët i kanë mirë të gjitha planetet, por Hëna e re do ju japë përparësi në lidhje me punën, me karrierën, të ardhmen e tyre dhe çështje familjare në përgjithësi. Do t’i shikojnë mirë çështjet familjare, ndryshimet që duan të bëjnë akoma në lidhje me një shtëpi apo arredim apo lëvizjen në një tjetër qytet apo shtet. Nëse duan të lëvizin, këtë nuk do ta bëjnë tani, por në fundjavë. Këto ditët e para le të merren me çështjet ekonomike sepse Hëna në Peshk jua jep këtë përparësi.
Peshqit, 4 yje: Kemi Hënën në shenjën e tyre. Peshqit duan ta shijojnë kanë apo s’kanë probleme ekonomike. Problemet ekonomike do të ngelen vetëm tek Peshqit e lindur në 10-ditëshin e dytë. Jeta erotike e tyre do të bëhet shumë fatlume. Peshqit do të kenë një takim shumë të mirë edhe pune edhe erotik, por sidomos kjo e fundit. Pas datës 16 maj, një fillim i ri i pret apo hapje të reja për ta, ata që kanë ngecur në keqkuptime në jetën e tyre personale.
