Intervista e ish-drejtorit të përgjithshëm të Top Channel, Ben Blushi, me Arbana Osmanin, vijon të zbulojë detaje të panjohura nga prapaskenat e televizionit, këtë herë duke u ndalur te dy nga figurat më të njohura të ekranit.
Ndërsa biseda u fokusua te menaxhimi i talenteve, Blushi ka folur për lëvizjet e figurave kryesore, duke përfshirë dy emra shumë të lakuar në media, Bora Zemani dhe Luana Vjollca.
Për vite me radhë, në rrjet ka qarkulluar lajmi se largimi i Luana Vjollcës nga Top Channel ishte vendosur pikërisht nga Blushi.
Gjatë intervistës, Blushi bëri një deklaratë të fortë për Bora Zemanin, duke marrë autorësinë për futjen e saj në këtë televizion. “Bora Zemanin e kam sjellë unë në ‘Top-Channel’,” u shpreh ai. Më pas, ai mohoi kategorikisht zërat se ishte ai që largoi Luana Vjollcën nga Top Channel.
Për të përforcuar këtë, Blushi shtoi një fakt të rëndësishëm për qasjen e tij si drejtues, duke theksuar se: “gjatë kohës që ishte drejtor i përgjithshëm i Top Channel, ai nuk largoi asnjëherë asnjë prezantues nga televizioni.”
Këto deklarata të Blushit ofrojnë një këndvështrim të ndryshëm mbi lëvizjet e bujshme të figurave televizive, duke hedhur dritë mbi dinamikat e brendshme të televizionit gjatë kohës së tij si drejtues.
