Pas një muaji heshtjeje nga skena publike, Joz Marku bëri rikthimin e tij
të parë televiziv mbrëmjen e djeshme në emisionin “Goca & Gra”, ku përballë moderatoreve ndau versionin e tij për incidentin në Big Brother VIP Albania 4.
Në një rrëfim emocional, Jozi sqaroi se momenti kur Gjest i hapi derën teksa ai po largohej nga shtëpia ishte “provokimi final”, i cili çoi në shpërthimin e tij të nervave dhe në goditjen që tronditi publikun.
Ai e cilësoi veten si njeriu që ka duruar më shumë nga të gjithë dhe tha se nuk është aspak krenar për veprimin e bërë, duke kërkuar falje publike për të gjithë ata që janë ndikuar nga kjo ngjarje.
Por momenti më i tensionuar i intervistës ndodhi kur Egla Ceno, fituese e BBVA3, e pyeti se si reaguan miqtë e tij pas incidentit. Kjo pyetje duket se e acaroi Jozin, i cili i ktheu:
“Nëse do ta dish si reaguan shokët e mi, mund të më ftoni një herë tjetër bashkë me ta.”
Situata u agravua më tej, kur Jozi i përmendi Eglës të kaluarën e saj në Big Brother, duke e akuzuar si banoren e parë që ka ushtruar dhunë ndaj të tjerëve.
Pjesë nga biseda në studio:
Egla Ceno: “Është e rëndësishme që ai ta thotë me gojën e vet për të dhënë qoftë edhe një mesazh. Kaq e thjeshtë është!”
Jozi: “Është një veprim që nuk më bën krenar, po të them. Ndjej keqardhje për secilin që e ka përjetuar keq. Nuk jemi pro dhunës asnjëherë.”
Egla Ceno: “Jozi, unë nuk jam kurioze për shoqërinë tënde. Ishte një përgjigje e shëmtuar ajo që dhe.”
Jozi: “Pyetja jote është shumë më e shëmtuar. Ti je ajo që ke gabuar fillimisht, para nesh. Ke gjujt me gjëra më të forta. Ty të kemi parë fillimisht, pastaj kemi ardhur ne, brezi tjetër.”
