Gjesti është shpallur fituesi i madh i “Big Brother VIP Albania 4”,
pas një finale të zjarrtë përballë tre konkurrentëve të fortë: Egli Tako, Laert Vasili dhe Rozana Radi.
Në një përballje emocionuese finale me Rozanën, Gjesti triumfoi dhe fitoi çmimin e madh prej 100 mijë eurosh, duke kurorëzuar një rrugëtim të gjatë plot sfida dhe emocione brenda shtëpisë më të famshme në Shqipëri.
Pas këtij suksesi të jashtëzakonshëm, Gjesti ka bërë edhe reagimin e tij të parë në rrjetet sociale. Në një postim në Instagram, ku ndan momentin e shpalljes fitues, ai shkruan me shumë emocion:
“Faleminderit nga zemra për këtë vlerësim! Jam thellësisht mirënjohës për mbështetjen dhe besimin tuaj. Ky çmim nuk do të ishte i mundur pa ju… Faleminderit që jeni pjesë e këtij rrugëtimi me mua!”
Mbështetja masive që mori gjatë qëndrimit në shtëpi reflektoi fuqishëm edhe në natën e finales, duke e bërë Gjestin një nga fituesit më të komentuar të këtij edicioni.
