Me kërkesë të Gjestit, Egli dhe këngëtari kanë “ulur armët” dhe janë darkuar së bashku në një ambient të veçantë të shtëpisë së “Big Brother VIP Albania”.
Në këtë darkë dyshja dikutuan gjerë e gjatë mbi marrëdhënien e tyre të komplikuar ndërsa në një moment, Gjesti solli në bisedë dhe të kalurën e tij duke folur mbi ish-partneren, sjelljet e së cilës ishin tepër të ngjashme me të Eglit.
Gjesti rrëfen një epsiod ku thotë se ish e dashura e tij ka tentuar të hidhet nga taraca e banesës, dramë që e çoi Gjestin në depresion duke patur frikë se ajo do t’i bënte keq vetes dhe përgjegjësia do të mbetej mbi të.
“Po të them për lidhjen time jashtë. Gjestet i ka pasur njësoj si të tuat. Unë e shikoja që hypi në çatinë e shtëpisë. Kam parë tmerr me sy sepse bënte gjeste, donte të hidhej. Këto drama që pashë, thash do më mbetet në dorë. Nuk guxoja të bëja asgjë sepse thoja po ta lë më mbetet komplet mua përgjegjësia. Hyra në depresion dhe ato simptomat e tua, duke i hyrë shumë thellë ishin të njëjtat” tha Gjesti.
