Gjatë qëndrimit të tij në shtëpinë e ‘’Big Brother Vip Albania 4”, Redoni u pa shumë afër me Eglin, ku të gjithë vunë re një kimi mes tyre dhe se mund të krijonin lidhje dashurie brenda shtëpisë.
Ditë më parë Redoni shprehu hapur pëlqimin e tij ndaj Eglit, por nga ana tjetër kjo e fundit tha se Redonin e shihte si vëlla.
Madje, madje sikur të mos mjaftonte kjo deklaratë, banoren e kemi parë shumë afër dhe me Gjestin, konkurrentin i cili ndonëse ka vetëm pak ditë brenda në shtëpi ka arritur që të sigurojë vendin e tij dhe të bëjë “lëmsh” shtëpinë.
Gjesti dhe Egli i kanë shprehur pëlqimin njëri tjetrit, e si duket ky fakt ka “trazuar” paksa dhe zemrën e Redonit.
Përmes një postimi në “Instagram”, Redoni ka shprehur gjendjen emocionale me një video të ish-presidentit Thaçi, “zemra ime është e lënduar, por jo e thyer”.
Gjithashtu shprehet se të dy banorët i ka lojtarë e tij të preferuar.
“Amo prap se prap mbesin 2 lojtarët e mi favorit”, shkruan ai ndër të tjera në InstaStory.
Ndërkohë presim sesi do të vijojë marrëdhënia e Eglit dhe Gjestit, ku mesa duket të dy mendojnë të krijojnë diçka mes tyre dhe madje ditën e djeshme kanë shkëmbyer dhe disa puthje në faqe me njëri-tjetrin, pa çka se këto puthje erdhën në kuadër të sfidës së “Vëllait të Madh”.
