Zbardhen detaje të reja për vrasjen makabër të ndodhur në Frashër të Fierit, ku vajza 26-vjeçare mbyti me tel babanë e saj, Anesti Rama.
Gazetarja e Top Channel, Dorjana Bezati ka mësuar të gjithë dinamikën e vrasjes, ndodhur në banesën e viktimës.
Në momentin e krimit kanë qenë prezent: vajza, mamaja e saj (bashkëshortja e viktimës), si dhe Çlirim Dogani.
Dyshohet se vajza fillimisht e ka goditur babanë e saj në organet gjenitale, dhe pasi ai ka rënë në tokë, Dogani e ka mbajtur nga duart teksa ajo e mbyste me tel. Po ashtu dyshohet se ata kanë përdorur edhe mjete të forta dhe mjete prerëse.
Ndërkohë nëna e 26-vjeçares ka ndihmuar në fshehjen e gjurmëve dhe pastrimin e gjakut nga trupi i viktimës.
Krimi është zbuluar nga përgjimi i telefonit, ku 26-vjeçarja pas ngjarjes ka komunikuar me bashkëpunëtorin e saj, Dogani, që dyshohet se kishte lidhje intime me të. Ky i fundit ishte i martuar dhe baba i dy fëmijëve
