Një tjetër ngjarje e rëndë raportohet të ketë ndodhur kësaj radhe në Fier teksa një 65-vjeçar i ka dhënë fund jetës duke i hedhur nga kati i dytë i banesës së tij.
Ngjarja ka ndodhur ditën e djeshme në fshatin Levan teksa 65-vjeçari me iniciale A. Th., është vetëhedhur nga akti i dytë i banesës, ndërsa dyshohet se vuante nga probleme të shëndetit mendor.
Ai është trasportuar menjëherë drejt spitalit për të marrë ndihmë mjekësore, por fatkeqësisht ka humbur jetën rrugës për të spital.
Njoftimi i Policisë:
Specialistët për Hetimin e Krimeve të Komisariatit të Policisë Fier referuan materialet në Prokurori, për vlerësim, pasi ditën e djeshme, në fshatin Levan, shtetasi A. Th., 65 vjeç, dyshohet me probleme të shëndetit mendor, është vetëhedhur nga kati dytë i banesës së tij, dhe si pasojë ka humbur jetën, në spital.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Ky nuk është rasti i i parë i raportuar brenda disa ditëve në Shqipëri. Ditën e djeshme një tjetër rast i vetëvrasjes u regjistrua në Korçë teksa i riu 20-vjeçar Hysen Lato, është gjetur i vetëvarur në fshatin Gjonomadh në Korçë, e përpara tij një tjetër i ri vendosi tí japë fund jetës në të njëjtën formë.
