Pas humbjes 0-1 ndaj Shqipërisë në Leskovac, e vlefshme për kualifikueset e Botërorit 2026, opinioni public
dhe mediat serbe kanë shpërthyer në reagime të ashpra, duke e cilësuar rezultatin si një “dështim historik”.
Humbja erdhi në një ndeshje kyçe, duke e vënë Serbinë në një pozicion shumë të vështirë në Grupin K.
Ndërsa shqiptarët festuan fitoren, pakënaqësia e tifozëve serbë shpërtheu në stadium me thirrjet “Piksi, largohu!”, duke kërkuar dorëheqjen e trajnerit Dragan Stojković.
Trajneri Stojković, i njohur si “Piksi”, mori menjëherë përgjegjësinë për humbjen, duke ofruar dorëheqjen.
Ai deklaroi se nuk e priste këtë rezultat, veçanërisht nga një kundërshtar si Shqipëria, dhe se skuadra nuk pati as zgjidhje dhe as motivim të mjaftueshëm.
Ndërkohë, mediat serbe e përshkruan këtë humbje me fjalë të rënda, si “tragjedi,” “katastrofë,” dhe “dështim historik.”
Ato theksuan se skuadra u shfaq e paorganizuar dhe pa ide loje.
Humbja kundër Shqipërisë, e cila konsolidoi vendin e dytë në grup, ka vënë Serbinë në një pozitë shumë të vështirë për të arritur kualifikimin,
duke nxitur thirrjet në media për ndryshime më të gjera në strukturën e Federatës dhe në stafin teknik.
