Një ngjarje e rëndë ka tronditur opinionin publik dhe ka mbushur mediat ndërkombëtare.
Tre motra të mitura — Paitin, Evelyn dhe Olivia Decker — janë gjetur pa shenja jete në një zonë pyjore pranë një kampingu në Leavenworth, Uashington.
Vajzat, të moshës 5, 7 dhe 9 vjeç, kishin qenë në vizitë tek babai i tyre, Travis Decker, një 32-vjeçar me të kaluar ushtarake dhe i njohur si person në gjendje të pastrehë.
Sipas autoriteteve, Decker dyshohet si autori i mundshëm i rrëmbimit dhe vrasjes së vajzave të tij. Ndaj tij është lëshuar një urdhër arresti, ndërsa kërkimi i tij po vijon në bashkëpunim me Shërbimin e Marshallëve Amerikanë.
Për çdo informacion që mund të çojë në kapjen e tij, autoritetet kanë ofruar një shpërblim deri në 20,000 dollarë.
Policia është kritikuar për vonesën në lëshimin e alarmit Amber Alert, çka ka ngjallur shqetësime dhe reagime të forta në publik. “Këtë herë, sistemi dështoi,” deklaroi një zëdhënës i policisë lokale.
Kërkimet dhe hetimet në zonën e kampingut po vazhdojnë me intensitet, ndërsa autoritetet pritet të mbajnë një konferencë për shtyp gjatë ditës për të dhënë më shumë detaje rreth çështjes.
