Një biznesmen qipriot, Stavros Demosthenous,
i cili ishte edhe president i ekipit të futbollit Karmiotissa, është vrarë të premten në mëngjes në Limasol.
Autorët duket se kanë qenë në dijeni të lëvizjeve të biznesmenit, pasi sipas informacioneve fillestare,
ata iu afruan makinës së tij ndërsa ai ishte në rrugë duke ngarë një motoçikletë.
Ata hapën zjarr mbi të dhe pasi u siguruan se ai ishte i vdekur, ikën në drejtim të panjohur.
Pak kohë më vonë, një makinë e djegur u gjet në një pjesë tjetër të Limasolit, e cila supozohet se është përdorur nga autorët e krimit dhe më pas është djegur për të shkatërruar provat.
Policia ka nisur një kërkim për të gjetur autorët e krimit, megjithëse është e mundur që ata të kenë qenë vrasës profesionistë që kishin marrë përsipër vrasjen në emër të të tjerëve.
Në këtë kontekst, po shqyrtohet mundësia që vrasja të ketë lidhje me aktivitetin e basteve në ndeshjet e futbollit, pasi “Karmiotissa” ka qenë disa herë nën hetim për trukim ndeshjesh nga UEFA.
