Aktori i madh shqiptar, Mehdi Malkaj ishte këtë të martë përballë
moderatores Pranvera Borakaj në emisionin Quo Vadis në Vizion Plus, ku foli për jetën e tij.
Malkaj tregoi se vitin e fundit ka qenë në një situatë jo të këndshme shëndetësore, ku i është dashur të bëjë 5 ndërhyrje për shkak të problemeve me zemrën.
Megjithatë siç ai vetë tregoi pavarësisht sëmundjes dhe problemeve, gjeti forcë që edhe në spital të kënate pacientët me batutat e tij.
Pjesë nga biseda:
Borakaj: Ka qenë një verë pak delikate?
Malkaj: Ka qenë viti i kaluar dhe ky, kam bërë disa ndërhyrje, kanë qenë 5 operacione, disa të lehta disa të rënda. Tani jam mirë, nuk kisha pirë asnjë aspirinë deri në këtë moment.
Borakaj: Ku e gjen këtë energji?
Malkaj: Te jeta. Të gjithë këta që më shohin këtu vrap[onin për të më shërbyer. Unë i mblodha që të më bënin një foto. Doktori hyri një mëngejs e më tha Mehdi si je? Unë i thashë, doktor nëse ti e njeh mirë doktorin që merret me mua, nuk më bëje këtë pyetje. Ohu-më tha, si unë që merrem me ty. Kur më tha që do ecësh nëpër koridor, unë u mora me të sëmurët pastaj.
Borakaj: U ktheve humorin të sëmurëve, duke menduar që ti vetë kishe vetëm sy, nuk ksihe gjë nga zemra?
Malkaj: Më hëngrën me sy, më grinë.
