Shpat Kasapi dhe Selvija, çifti i dashur për publikun mund të jenë duke kaluar një krizë në mardhënie.
Këngëtari disa ditë më parë publikoi “Vajza që du”, një projekt i realizuar pas një pauze të gjatë në muzikë. Por burime për Prive tregojnë se marrëdhënia e tyre mund të ketë përfunduar.
Çifti prej javësh nuk janë parë nën shoqërinë e njëri–tjetrit, por rrjetet sociale janë ato që i vendosin “vulën” thashethemeve.
Ata nuk ndiqen më në rrjetet sociale si dhe kanë fshirë të gjitha fotot që kishin bashkë, një veprim që zakonisht paralajmëron ndarje në botën e shoëbizit.
Selvija ka publikuar një mesazh emocional në InstaStory, që lë të kuptohet se po kalon një periudhë të errët në jetën e saj personale. Ajo shkruan:
“Po kaloj një periudhë të vështirë në jetë dhe më besoni, nëse unë e kam bërë, mundeni edhe ju! Nuk dua të dëgjoj më ‘Po nuk kam kohë!’, ‘Nuk kam motivim!’ sepse nuk e keni idenë sa shumë do t’jua ndryshojë jetën. Do t’ju bëjë të zonjat e vetes!”
Kujtojmë se Shpati dhe Selvija para një viti morën vendimin të largoheshin jashtë vendit për të filluar një jetë të re, pasi vetë Selvia ka pasur një gjëndje të rënduar psikologjike, ku përmes një postimi në rrjetet sociale, shprehej se viti 2023 nuk ka qenë aspak i lehtë për të dhe se shumicën e kohës e kalonte duke qarë.
