Situata në Big Brother VIP Albania është ndezur sërish pas debatit të mbrëmshëm,
ku Ledion Liço dhe opinionistët Arbër Hajdari e Neda Balluku akuzuan Rozanën dhe Laertin për një “lojë dyshe”.
Kjo ka sjellë reagime nga publiku dhe ish-banorët, mes të cilëve edhe fituesi i Big Brother Albania 3, Jetmir Salaj.
Në një seri postimesh në Instagram, Jetmiri shprehu hapur mbështetjen për Rozanën dhe Laertin, duke i quajtur ata “artistë të kompletuar” dhe “qytetarë të ndershëm”.
Ai e konsideroi një nder dhe kënaqësi që shoqëria ka njerëz si ata, duke lënë të kuptohet se nuk pajtohet me mënyrën se si ata po sulmohen brenda shtëpisë.
Por mesazhi i tij nuk u ndal me kaq. Në një tjetër Story, Jetmiri theksoi se dyshja po përpiqet të mbijetojë përballë mllefit, paragjykimeve dhe propagandës kundër tyre. Ai i mbrojti duke thënë se ata po luajnë me sedër dhe karakter, dhe se akuzat për “lojë dyshe” nuk janë të drejta.
“Dikur edhe kasti im ishin veglat tuaja, ashtu siç janë këta tani”, shkroi ai, duke bërë një paralele mes eksperiencës së tij në lojë dhe asaj që po kalojnë Rozana dhe Laerti.
“Po përpiqen me mish e me shpirt t’i mbijetojnë mllefit tuaj, injorancës që i rrethon, paragjykimeve, fjalëve, izolimit të ashpër. Propagandës kundra…
Qofshin miq e qofshin me jetë. Ata po luajnë me sedrën e karakterin e tyre dhe ju s’mund t’i akuzoni për lojë dyshe.
Unë loza kundër të gjithë juve në mënyrë të pa barabartë.
I gjithë kasti im ishin veglat tuaja, ashtu si janë këta tani.”
