Ky maj nuk do të jetë neutral – për disa shenja do sjellë ndriçim, për të tjera tronditje emocionale
që kërkojnë kurajo. Yjet flasin për vendime, përballje me ndjenja të lëna pezull dhe
ndryshime që nuk mund të shtyhen më. Shiko çfarë thotë horoskopi yt këtë muaj dhe mos harro: çdo shenjë ka një afat shpirtëror.
DASHI
Mos prit fundin e muajit për të marrë vendime që ndryshojnë lojën.
Të vjen rrota… dhe këtë herë je ti në krye. Marsi të jep energji për të çuar përpara projekte personale. Në punë, do ndriçosh nëse shmang konfliktet. Në dashuri, sinqeriteti shpëton situata të sikletshme. Beqarët do të kenë takime surprizë që ndezin imagjinatën.
DEMI
Mos e lër këtë muaj të të kapë pa bërë një ndryshim të guximshëm.)
Është muaji yt – dhe energjia është me ty. Por, nëse do rritje, duhet të dalësh nga zona e rehatisë. Uranin e ke krah dhe të fton të bësh ndryshime radikale. Në dashuri, flitet për ndarje të buta ose rikthime me kushte të reja. Në punë, mos i injoro idetë që të frymëzojnë natën.
BINJAKËT
Qartëso çfarë do para datës 21 – pastaj nis energjia e re.
Pjesa e parë e muajit është për reflektim. Pas datës 21, Dielli kalon në shenjën tënde dhe gjithçka ndriçon. Do ndihesh më i/e fortë, por mos e nënvlerëso forcën e mendimeve të tua. Në dashuri, mos u kthe pas – përpara është shumë më interesante.
GAFORRJA
Deri më 19 maj duhet të sqarosh raportet më të rëndësishme.
Fokusohesh tek të tjerët, por ke nevojë të kujdesesh dhe për veten. Marrëdhëniet sociale do të ndihmojnë, por jo të gjitha ia vlejnë. Në dashuri, zemra të flet, por a e dëgjon? Financat kërkojnë maturi. Lëvizjet e reja vijnë në fund të muajit.
LUANI
Para datës 15 vendos për projektet që të duhen – jo ato që “duken bukur.”
Energjia është me ty, por egos i duhet një pushim. Në dashuri, do të ndjesh një ringjallje të ndjenjave nëse lëshon kontrollin. Në punë, të duhet të marrësh vendime që të çojnë drejt pavarësisë. Mos i jep më shumë fuqi opinionit të të tjerëve.
VIRGJËRESHA
Deri më 22 maj, fokusohu tek balanca emocionale – jo vetëm tek detajet.
Ky është një muaj që të fton të lesh perfeksionizmin. Në punë, një ndryshim i vogël mund të sjellë ndikim të madh. Në dashuri, një bisedë e sinqertë do sqarojë shumëçka. Kujdes me shëndetin dhe ritmin e tepërt.
PESHORJA
Mos rri pezull më – çfarëdo që të mbajë pas, duhet adresuar para datës 25.
Muaji të fton të marrësh vendime për jetën personale. Marrëdhëniet që s’të mbushin – do të ndahen vetë. Në punë, je afër një bashkëpunimi të frytshëm, por duhet t’i thuash “po”. Zemra të kërkon më shumë spontanitet.
AKREPI
Vendos çfarë do – jo çfarë duron – para fundit të muajit.
Në dashuri, do ndihesh më emocional/e se zakonisht. Jep, por edhe kërko. Në punë, mos bëj kompromise që të shterojnë. Nëse ke një vendim të madh për të marrë – shiko nga brenda, jo jashtë. Intuita jote është arma më e fortë.
SHIGJETARI
Deri më 12 maj bëje zgjedhjen që s’po guxon ta thuash me zë.)
Energjia e majit të fton në lëvizje. Udhëtimet janë të favorizuara, por edhe udhëtimet shpirtërore. Në dashuri, mund të ndjesh një tërheqje ndaj dikujt jashtë “rrugës së zakonshme”. Në punë, një bashkëpunim me dikë ndryshe nga ty jep rezultate.
BRICJAPI
Mëso të lësh pak kontroll – përpara se të të lodhë gjithçka.
Maji të vendos përballë përgjegjësive, por nuk je vetëm. Në punë, ndikimi yt rritet – por rreziku është të bëhesh shumë kritik/e me veten. Në dashuri, jep hapësirë dhe merr frymë. Prit një propozim interesant rreth datës 20.
UJORI
Deri më 10 maj, nis një hap që ke menduar prej muajsh.
Frymëzimi të shoqëron, por shpërqendrimi gjithashtu. Në dashuri, do të ndjesh nevojë për lidhje që frymëzon dhe rrit. Në punë, mos i anashkalo idetë kreative – janë më të vlefshme se duket. Kujdes me energjinë – mos e shpërndaj gjithandej.
PESHQIT
Para datës 23 duhet të flasësh për atë që të mundon – ndryshe s’të kupton askush.
Shumë ndjenja – pak fjalë? Koha për të folur. Maji të nxit të shprehesh qartë dhe të vendosësh kufij. Në dashuri, një person nga e kaluara mund të rikthehet për një “sqarim të fundit”. Në punë, do ndihesh më i/e motivuar pas datës 18.
