Mbrëmja e djeshme në BBVA ka sjellë një situatë të paprecedentë, duke ngritur dyshime dhe polemika mes publikut.
Gerta Gixhari u përball me një zarf të zi, i cili në rregullat e lojës nënkupton përjashtimin e menjëhershëm nga gara.
Pas këtij vendimi të prerë nga Vëllai i Madh, Gerta nuk u largua menjëherë nga shtëpia, por u mbajt në një ambient të veçuar nën vëzhgimin e kamerave. Ndërkohë, banorët u ftuan të votonin nëse ajo duhej të përballej me publikun për një shans të dytë. Pas votimit, produksioni i dha mundësinë publikut të vendoste fatin e saj, dhe në fund, me vendim të publikut, Gerta u rikthye sërish në lojë.
Ky vendim ka ngritur një stuhi reagimesh në rrjetet sociale, ku ndjekësit e BBVA po e cilësojnë gjithë këtë situatë si një “lojë të pistë nga produksioni”. Spekulimet kanë shkuar edhe më tej, duke ngritur dyshime se gjatë orëve që ajo kaloi jashtë shtëpisë, Gerta mund të ketë marrë informacione nga jashtë dhe të jetë udhëzuar se si të sillet pas kthimit në shtëpi.
Fakti që Gerta pothuajse nuk u shfaq në ekran gjatë Prime-it, duke u transmetuar vetëm tre herë në të gjithë spektaklin, ka bërë që ndjekësit të dyshojnë edhe më shumë për mënyrën sesi produksioni po e trajton këtë situatë.
